Amruta Fadnavis Threat News : राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस यांना एका महिलेने धमकावून १ कोटी रुपयांची लाच ऑफर करण्याचा प्रयत्न केला. याप्रकरणी अमृता यांच्या तक्रारीवरून पोलिसांनी एका डिझायनर महिलेसह तिच्या वडिलांविरोधात गुन्हा दाखल केला आहे. (Latest Marathi News)
अनिष्का असं गुन्हा दाखल झालेल्या संशयित महिलेचं नाव आहे. अमृता फडणवीस (Amruta Fadnavis) यांनी पोलिसांत दिलेल्या तक्रारीनुसार, आरोपी महिला डिझायनर असल्याने अमृता फडणवीस यांच्या संपर्कात आली होती. संबंधित आरोपी महिला अमृता यांच्या जवळपास 16 महिने संपर्कात होती. (Maharashtra Breaking News)
एका गुन्ह्यात आम्हाला मदत करा अशी त्याबदल्यात तुम्हाला १ कोटी रुपये देऊ, अशी ऑफर (Crime News) महिलेसह तिच्या वडिलांनी दिली होती. अमृता फडणवीस यांनी या प्रकरणाकडे सुरूवातीला दुर्लक्ष केलं. मात्र, तरीही आरोपी महिलेने आणि तिच्या वडिलांनी त्यांना फोन तसेच मॅसेज करणे सुरूच ठेवले.
इतकंच नाही तर त्यांनी अमृता फडणवीस यांना अप्रत्यक्षरीत्या धमकावून, कट रचून १ कोटींची लाच ऑफर करण्याचा केला प्रयत्न. दरम्यान, याप्रकरणी अमृता फडणवीस यांनी मलबार हिल पोलीस (Police) ठाण्यात तक्रार दाखल केली.
तक्रार दाखल होताच, पोलिसांनी अनिष्का नावाच्या महिलेसह तिच्या वडिलांविरोधात गुन्हा दाखल केला आहे. या घटनेचा पुढील तपास पोलिस करीत आहे. राज्याचे उपमुख्यमंत्री देवेंद्र फडणवीस यांच्या पत्नीलाच एका महिलेने अप्रत्यक्षरित्या धमकावल्याने राजकीय वर्तुळात मोठी खळबळ उडाली आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
