उल्हासनगर : पोलिसात तक्रार केल्याच्या रागातून एका तरुणावर घरात घुसून चॉपर आणि तलवारीने जीवघेणा हल्ला करण्यात आला. तसेच त्याच्या गाडीची तोडफोड केल्याची घटना भाटिया चौक परिसरात घडली आहे. या हल्ल्यात तरुण वेदूरानी हा गंभीर जखमी झाला असून त्यावर सध्या उल्हासनगरच्या शासकीय रुग्णालयात उपचार सुरू आहे.
आरोपी गौतम फुलवाणी याच्या विरोधात जखमी तरुण वेदुरानी याने पोलिस ठाण्यात काही महिन्यांपूर्वी तक्रार केली होती. याचा राग मनात धरून मध्यरात्री आरोपी गौतम आणि त्याच्या दोन साथीदारांनी तरुण याच्या घरात घुसून जीवघेणा हल्ला केला. (Crime News)
हल्लेखोर घरातून बाहेर निघताना सीसीटीव्हीत कैद झाले असून या हल्ल्यात तरुणाच्या कानावर छातीवर तोंडावर गंभीर वार केल्याने मोठी दुखापत झाली आहे. दरम्यान हे गुंड एवढ्यावरच न थांबता घरासमोर उभी असलेली कारची देखील तोडफोड करत नुकसान केलं आहे. आता या प्रकरणी विठ्ठलवाडी पोलीस ठाण्यात गुन्हा दाखल करण्यात आला असून पोलीस अधिक तपास करत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
