Fire Breakout In Andheri East Building : साकीनाका परिसरातील इमारतीला आग,सुदैवाने जीवितहानी नाही

Mumbai News : मुंबईत आगीच्या दुर्घटनांचे सत्र थांबण्याचे नाव घेत नाही. अंधेरी पूर्वेकडील साकीनाका परिसरात आज (शनिवार) सकाळी दहा वाजण्याच्या सुमारास आग लागल्याची घटना घडली. (Maharashtra News)

साकीनाका परिसरातील 90 फूट रस्त्यावरील साकी सीएचएस, डिसूझा कंपाउंड इमारतीच्या मीटर बॉक्स केबिनला आग लागली. मुंबई अग्निशमन दलाचे (Mumbai Fire Department) जवान घटनास्थळी दाखल झाल्यानंतर आगीवर नियंत्रण मिळवण्यात यश आले.

ही आग लागली तेव्हा इमारतीत 40 ते 50 नागरिक अडकले होते. अग्निशमन दलाच्या जवानांनी सर्व नागरिकांना इमारतीतून सुरक्षित बाहेर काढले. या आगीवर पूर्णत: नियंत्रण मिळविण्यात अग्निशमन दलाच्या जवानांना यश आले.

या ठिकाणी कूलिंग ऑपरेशन सुरू करण्यात आले आहे. या आगीत काेणीही जखमी झालेल्या नसल्याची माहिती प्राप्त झाली आहे.

Edited By : Siddharth Latkar