Fire Breaks Out At IDBI Bank : आयडीबीआय बँकेत भीषण आग, कागदपत्रांसह बँकेचे साहित्य जळून खाक

Rajgurunagar News : पुणे (pune latest news) जिल्ह्यातील राजगुरुनगर शहरातील पाबळरोड येथील आयडीबीआय बँकेत (rajgurunagar idbi bank) आज (मंगळवार) पहाटेच्या सुमारास आग लागली. या आगीत (fire broke in idbi bank) बँकेतील कागदपत्रांसह साहित्य जळुन खाक झाले असल्याची प्राथमिक माहिती हाती आली आहे. अद्याप किती रुपयांचे नुकसान झाले आहे याचा तपशिल समजू शकलेला नाही. (Breaking Marathi News)

आयडीबीआय बॅंकेस आग लागल्याची माहिती राजगुरुनगर पालिकेच्या फायर ब्रिगेडला कळताच त्यांनी घटनास्थळी धाव घेतली. यावेळी राजगुरुनगर पालिकेच्या अग्निशामक दलाच्या जवानांनी आगीवर एक तासांत नियंत्रण मिळवले.

पहाटेच्या सुमारास बँकेस आग लागल्याने नागरिकांना देखील घटनेची फारशी माहिती समजली नाही. राजगुरुनगर नगरपरिषदेच्या अग्निशामक दलाच्या जवानांनी आगीवर एक तासांत नियंत्रण मिळवल्यानंतर बँकेतील कागदपत्रांसह साहित्य जळुन खाक झाल्याचे दिसून आले. तसेच काही कागदपत्र पाण्याने भिजून गेली आहे.

ही आग शॉटसर्किटमुळे लागल्याचा अंदाज व्यक्त करण्यात येत आहे. सध्या पंचनामा करण्याचे काम सुरु आहे. सुदैवाने या घटनेत कुठलीच जीवीत हानी झाली नाही.

Edited By : Siddharth Latkar