Leopard In Chakan : चाकण शहरात (chakan city) भरवस्तीत आज (बुधवार) सकाळी घुसलेल्या बिबट्याला (leopard) पकडण्यात तब्बल पाच तासांनंतर वनविभागाला (forest department) यश आले आहे. वनविभागाने बिबट्याला पकडल्यामुळे नागरिकांचा (citizens) जीव भांड्यात पडला आहे. (Breaking Marathi News)
चाकण शहरातील बाजारपेठेतील चौकात आज सकाळच्या सुमारास बिबट्या शिरल्याचे वृत्त शहरात वा-या सारखे फिरले. त्यामुळे नागरिकांमध्ये एकच खळबळ उडाली. बिबट्याला पाहण्यासाठी माेठ्या प्रमाणात नागरिकांची गर्दी झाली.
या घटनेची माहिती कळताच वनविभाग, पाेलिस दल तसेच रेस्क्यु टिम बाजारपेठेत दाखल झाले. परंतु गर्दीमुळे बिबट्याला पकडण्यात पथकास अडचण निर्माण झाली. गर्दी हटविण्यासाठी पाेलिसांनी नागरिकांना घटनास्थळापासून लांब जाण्याचे आवाहन केले.
त्यानंतर पथकाने बिबट्याला पकडण्यासाठी प्लॅन आखला. माणिकडोह बिबट निवारा केंद्राची रेस्क्यु टिम आणि स्थानिक वनविभाग रेस्क्यु टिमने प्लॅननूसार कार्यरत राहिली. बिबट्याला बंदुकीच्या सहाय्याने भुलीचे इंजेक्शन देऊन बेशुद्ध केले.
त्यानंतर पथकाने बिबट्याला प्राथमिक उपचारासाठी बिबट्या निवारा केंद्रात दाखल करण्यासाठी नेले. यावेळी बिबट्याला पाहण्यासाठी नागरिकांची मोठी गर्दी बाजारपेठेत झाली हाेती. शहरात घुसलेला बिबट्या जेरबंद झाल्यानंतर नागरिकांनी सुटकेचा निःश्वास सोडला.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
