Deepak Sawant Car Accident : मोठी बातमी! माजी आरोग्यमंत्री डॉ. दीपक सावंत यांच्या कारला अपघात; पालघरला जाताना घडली दुर्घटना

Deepak Sawant News : माजी आरोग्य मंत्री डॉ. दीपक सावंत यांच्या कारला अपघात झाल्याची माहिती समोर आली आहे. सावंत यांच्या कारला डंपरने धडक दिल्याची माहिती समोर आली आहे. या अपघातात दीपक सावंत गंभीर जखमी झाले असून त्यांना रुग्णवाहिकेने अंधेरीच्या रुग्णालयात दाखल करण्यात आलं आहे (Latest Marathi News)

मिळालेल्या माहितीनुसार, शिवसेना ठाकरे गटाचे नेते, माजी आरोग्य मंत्री डॉ. दीपक सावंत यांच्या कारला अपघात झाल्याची घटना घडली आहे. डॉ. दीपक सावंत (Deepak Sawant) यांच्या कारला डंपरनं धडक दिल्याने मोठा अपघात घडला आहे.

शुक्रवारी सकाळी पालघरला (Palghar) जाताना अपघात घडला आहे. काशिमीरा भागात सावंत यांच्या कारला अपघात झाला आहे. या अपघातात डॉ. दीपक सावंत यांच्या मानेला आणि पाठीला दुखापत झाली आहे.

या अपघातात डॉ. दीपक सावंत यांच्या कारचे मोठे नुकसान झाले आहे. अपघातात जखमी झाल्यानंतर डॉ. दीपक सावंत यांना रुग्णवाहिकेने अंधेरीच्या रुग्णालयात दाखल केले आहे. दीपक सावंत यांच्यावर रुग्णालयात उपचार सुरू आहेत.

कसा झाला अपघात ?

माजी आरोग्यमंत्री डॉ. दीपक सावंत हे आज सकाळी कारने पालघरला निघाले होते. त्यावेळी अचानक सावंत यांच्या कारला डंपरने धडक दिली. सावंत यांच्या कारला काशिमीरा भागात त्यांच्या कारला अपघात झाला.

या अपघातात डॉ. दीपक सावंत यांच्या मानेला आणि पाठीला मोठी दुखापत झाली. त्याचबरोबर कारचेही मोठे नुकसान झाले. अपघातात जखमी झालेल्या डॉ. दीपक सावंत यांना अंधेरी येथे रुग्णवाहिकेने दाखल केले. सध्या त्यांच्या रुग्णालयात उपचार सुरू आहेत.