- सिद्धेश म्हात्रे
Navi Mumbai : उरण (uran) तालुक्यातील विंधणे गावातील दोन अनधिकृत इमारतींवर (building) सिडको नैना विभागामार्फत तोडक कारवाई सुरु हाेती. या कारवाई दरम्यान संपूर्ण इमारत पत्त्यासारखी कोसळल्याची घटना घडली आहे. त्याचा व्हिडिओ (video) सध्या समाज माध्यमात (social media) व्हायरल (viral) हाेत आहे. (Maharashtra News)
जेसीबी, पोकलेनच्या सहाय्याने इमारतीवर तोडक कारवाई सुरु असताना ही घटना घडली आहे. चार महिन्यांपासून काही जागरूक नागरिकांनी या दोन अनधिकृत इमारतीवर कारवाई करण्याची मागणी रायगड जिल्हाधिकाऱ्यांकडे केली होती.
यावर जिल्हाधिकाऱ्यांनी प्रांत अधिकारी यांना प्रत्यक्ष जागेवर जाऊन पाहणी करुन योग्य ती कारवाई करण्याचे निर्देश दिले होते. त्यानुसार प्रांत अधिकारी यांनी पाहणी करत सदर अनधिकृत इमारत तोडण्याचे आदेश दिले.
त्यानुसार सिडको नैना विभागाने दाेन्ही इमारतीवर तोडक कारवाईला सुरुवात केली. इमारतीवर तोडक कारवाई सुरु असताना इमारतीच्या बांधकामाचा दर्जा अतिशय निकृष्ट असल्याने संपूर्ण चार मजली इमारत एका क्षणात कोसळल्याने एकच खळबळ उडाली. या इमारतीचा भाग जेसीबीवर पडला. या दुर्घटनेत जेसीबी चालक जखमी झाल्याची माहिती समोर येत आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
