Pune: मायक्रो फायनान्सद्वारे कर्जाचे आमिष, १०० ते १५० जणांची फसवणूक; YouTube कलाकार बंटी-बबलीला अटक

हेमराज बावसार आणि दिपाली पौनिकर अशी आरोपींची नावे आहेत. विशेष म्हणजे हे दोघे ही युट्यूबवरचे कलाकार आहेत.
Pune Police News
Pune Police NewsSaam TV

ज्ञानेश्वर हिंगोलीकर -

पुणे: मायक्रो फायनान्सद्वारे कर्ज देतो असे सांगुन नागरिकांना फसवणाऱ्या बंटी-बबली यांना पुणे पोलिसांकडून (Pune Police) अटक करण्यात आली आहे. या दोघांनी तब्बल १०० ते १५० लोकांना फसवल्याचा आरोप करण्यात आला आहे. हेमराज बावसार आणि दिपाली पौनिकर अशी आरोपींची नावे आहेत. विशेष म्हणजे हे दोघे ही युट्यूबवरचे कलाकार (YouTube Artists) आहेत.

सध्याच्या डिजिटल युगात अनेकांना झटपट कर्ज देण्याची प्रलोभन देऊन त्यांची फसवणूक केल्याची अनेक घटना उघडकीस आल्या आहेत. शिवाय याच तंत्रज्ञानाचा गैर फायदा घेत अनेक खोट्या वेबसाईट देखील तयार केल्या जातात.

पाह व्हिडीओ -

त्यामुळे अनेक लोकांची ऑनलाईन (Online) पद्धतीने फसवणूक केली जात असल्याच्या घटना घटत असतानाच आता मायक्रो फायनान्सद्वारे कर्ज देतो असे सांगुन नागरिकांना फसवणाऱ्या दोघांना पुणे पोलिसांनी अटक केली आहे.

पोलिसांनी दिलेल्या माहितीनुसार, मानधन मायक्रो फायनान्स नावाची खोटी संस्था या दोघा बंटी बबलींनी सुरू केली होती. मुकुंदनगर येथे कार्यालय काढून तिथे येणाऱ्या लोकांना कर्जाची हमी हे दोघे द्यायचे.

Pune Police News
महिला पत्रकाराचा हिजाब घालण्यास नकार; इराणच्या राष्ट्राध्यक्षांनी मुलाखत देणं टाळलं

कुठले ही कर्ज १५ दिवसात उपलब्ध होईल अशी खोटी बतावणी करून लोकांची आगाऊ घेतलेली रक्कम परत न देता १२ लाख रुपयांपेक्षा फसवणूक केल्याप्रकरणी पोलिसांकडे गुन्हा दाखल होता. पोलिसांनी पथक तयार करून या दोघांना गुजरात मधून ताब्यात घेतले आणि त्यांना अटक केली. कोर्टाने या दोघांना २५ सप्टेंबर पर्यंत पोलिस कोठडी सुनावली आहे. त्यांनी एवढी मोठी रक्कम पुढे कुठे वापरली तसेच यांची अजून कुठली टोळी आहे का याचा तपास आता पुणे पोलिस घेत आहेत.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com