Ganeshotsav 2023: गणेशोत्सवानिमित्त पुण्यातील वाहतुकीत मोठे बदल; शहरातील अनेक रस्ते बंद, पर्यायी मार्ग कोणते?

Pune Ganeshotsav 2023: गणेशोत्सवाच्या पार्श्वभूमीवर पुण्यातील वाहतूक व्यवस्थेत मोठे बदल करण्यात आले आहे. शहरातील मध्यवस्तीत दोन दिवसांचा वाहतूक बदल करण्यात आला आहे.

Ganeshotsav 2023 big change traffic in pune many roads closed see alternative routesSaam TV

सचिन जाधव, साम टीव्ही

Pune Ganeshotsav 2023: गणेशोत्सवाचा सण अवघ्या काही तासांवर येऊन ठेपला आहे. लाडक्या बाप्पाच्या आगमनासाठी अनेकजण सज्ज झाले आहेत. अशातच पुणेकरांसाठी एक महत्वाची अपडेट समोर आली आहे. गणेशोत्सवाच्या पार्श्वभूमीवर पुण्यातील वाहतूक व्यवस्थेत मोठे बदल करण्यात आले आहे. शहरातील मध्यवस्तीत दोन दिवसांचा वाहतूक बदल करण्यात आला आहे. (Latest Marathi News)

Maharashtra Politics: उद्धव ठाकरेंना 'धनुष्यबाण' परत मिळणार? शिवसेना पक्ष अन् चिन्हावर आज 'सुप्रीम फैसला'

वाहनचालकांनी पर्यायी मार्गाचा वापर करावा, असे आवाहन वाहतूक शाखेच्या वतीने करण्यात आले आहे. पुणे शहरात गणेशमूर्ती (Ganeshotsav 2023) विक्रीचे स्टॉल हे मोठ्या प्रमाणात डेंगळे पूल ते शिवाजी पुलाच्या श्रमिक भवन समोर आहेत. याशिवाय कसबा पेठ पोलीस चौकी ते जिजामाता चौकात देखील अनेक स्टॉल आहेत.

त्यामुळे या भागातील वाहतूक बदल करण्यात आला असून पर्यायी वाहतूक व्यवस्था (Pune News) करण्यात आली आहे. शिवाजी रोड- गाडगीळ पुतळा चौक ते गोटीराम भैय्या चौक (मंडई) परिसर वाहतुकीसाठी बंद असणार आहे. १८ ते १९ सप्टेंबर रोजी सकाळी सहा ते रात्री १२ दरम्यान वाहतूक बदल असणार आहे.