Gautami Patil In Mumbai: गौतमीच्या कार्यक्रमात तरुणाचा राडा; स्टेजखाली प्रेक्षकांनीच कुटलं

Dahi Handi Festival 2023:

गौतमी पाटील म्हणजे जबरदस्त डान्स, धिंगाणा आणि नुसता राडा हे समिकरण आता नेहमीच पाहायला मिळतंय. खेड्यापाड्यांत गौतमीने आपल्या जादूने तरुणांना भूरळ घातलीये. तिच्या डान्समुळे आतापर्यंत सर्वच गावांमध्ये गोंधळ झालाय. आता चमचमणाऱ्या मुंबई शहरात देखील गौतमीच्या कार्यक्रमात राडा झाला आहे. (Latest Marathi News)

काल दहीहंडीनिमित्त गौतमी मुंबईत आली होती. मुंबईकरांचे आणि गोविंदाचे मनोरंजन करण्यासाठी आलेल्या गौतमीने मुंबईत आपली कला सादर केली. यावेळी गोविंदांच्या मनोरंजनासाठी अनेक बॉलिवूड स्टार्ससह मराठी सिनेविश्वातील कलाकार उपस्थित होते. मात्र गौतमीची एन्ट्री होताच गोविंदांचा उत्साह काल द्विगुणीत झाल्याचं पाहायला मिळालं.

गौतमी पाटील काल ठाण्यातील मागाठाण्यात आली होती. येथे तारामती चॅरिटेबल फाउंडेशन आणि आमदार प्रकाश सुर्वे यांनी देखील दहीहंडीचे आयोजन केले होते. यावेळी अनेक कलाकार येथे आलेहोते. गौतमीला देखील या कार्यक्रमात आमंत्रण होतं. गौतमी आली आणि तिने आपला डान्स करण्यास सुरुवात केली. यावेळी एक तरुण स्टेजवर चढू लागला. त्याला पाहून उपस्थित व्यक्तींनी त्याला थांबवलं. मात्र तो थांबला नाही. त्यामुळे काही व्यक्तींनी त्याला स्टेजखालीच मारहाण केली.

घटनेची माहिती मिळताच पोलिसांनी तेथे धाव घेतली. तसेच उपस्थित गोंधळ शांत केला. मुंबईत एवढेसारे कलाकार असून देखील गौतमीच्याच कार्यक्रमात तरुणाई बावरली आणि राडा झाला. यामुळे तिची क्रेज मुंबईतही फार आहे असं म्हटलं जातंय.