वसई/विरार : वसई विरार मध्ये फेरीवाल्यांनी वसईकरांच्या तोंडाचा घास कडू करण्याचा प्रकार लावला आहे. फेरीवाले विकत असलेल्या भाजीपाला तसेच फळे यांच्या मापात पाप करत आहेत. खुलेआम वजन काट्यात फेरफार करून ग्राहकांना कमी वजनाच्या वस्तू विकत आहेत. अनेक वर्षापासून चालू असलेली ही फसवणूक आता एका सतर्क नागरिकाने समोर आणली आहे. नालासोपारा पूर्व स्टेशन परिसरात अनेक फेरीवाले अशा पद्धतीने ग्राहकांना फसवत आहेत.
हे देखील पहा :
नालासोपारा पूर्व स्टेशन परिसरात फेरीवाले नागरिकांची फसवणूक करत असताना , एका नागरिकाने फेरीवाल्यांची ही चोरी पकडली. फेरीवाले रस्त्यावर उभे राहून विकत असलेल्या वस्तू मोजताना वजन काट्याच्या खाली अनेकवेळा धातूच्या चकत्या, लोहचुंबक, अथवा अधिक वजनाचे धातूचे भांडे वापरतात.
तर, काही जण वस्तू गुंडाळून देताना हातचलाखीने पिशव्या बदलतात. असे प्रकार सातत्याने घडत आहेत. नागरिक घाईत असल्याने ही चोरी पकडू शकत नाहीत. पण या फेरीवाल्यांवर कारवाई कण्यासाठी कोणतही प्रशासन पुढे येत नसल्याचे नागरिकांची ही फसवणूक अनेक वर्षापासून सुरु आहे. त्यामुळे मापात पाप करणाऱ्या फेरीवाल्यांवर कारवाई कारावी अशी मागणी जोर धरत आहे.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
