डोंबिवली : डोंबिवलीत गाडी चोरीचा एक अजब प्रकार पुढे आला आहे. बायकोला आणण्यासाठी चालक मालकाची गाडी न सांगताच गावाला घेऊन गेला आणि चालक परत आलाच नाही. अखेर ४ महिन्यानंतर चालकाला विष्णूनगर पोलीसांनी केली अटक आहे. रतन उर्फ जितू मासरे (वय ४३) असे आरोपी चालकाचे नाव आहे.
हे देखील पाहा :
डोंबिवली पश्चिमेतील रेतीबंदर मोठागाव येथून मालकाची गाडी घेऊन चालक पसार झाला होता. याबाबत जानेवारी महिन्यात डोंबिवली पश्चिमेतील विष्णुनगर पोलीस स्थानकात चालकाच्या सांगण्यावरून तक्रार दाखल करण्यात आली होती. यानंतर पोलिसांनी गाडी चालकाचा शोध सुरू केला. सदर गुन्ह्यातील महिंद्रा बुलेरो गाडी जळगाव मधील चाळीसगाव येथे बेवारस स्थितीत आढळून आली होती.
विष्णुनगर पोलिस स्थानकातील गुन्हे प्रकटीकरण अधिकारी आणि अंमलदार यांनी डम डाटाचा वापर करून आणि तांत्रिक पध्दतीने चालक आरोपी जितू मासरे याला चाळीसगाव येथून अटक केली. सदर आरोपी आपल्या बायकोला आणण्यासाठी मालकाला न सांगत गाडी चोरून घेऊन गेला. मात्र, बायको येत नसल्याने आणि मालकाची गाडी न सांगता घेऊन गेल्याने आरोपी चार महिने जळगाव, चाळीसगाव आणि नाशिक परिसरात राहत होता. अशी माहिती पोलिसांनी दिली आहे.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.