दारू पिण्यासाठी पैसे न दिल्यानं चाकूने भोसकलं; आरोपीला बेड्या

अंबरनाथच्या आंबेडकर नगरमधील घटनेनं खळबळ
दारू पिण्यासाठी पैसे न दिल्यानं चाकूने भोसकलं; आरोपीला बेड्या
Ambernath Newsअजय दुधाणे

अंबरनाथ - दारू पिण्यासाठी पैसे न दिल्यानं एका तरुणाने त्याच्याच परिसरात राहणाऱ्या इसमाला चाकूने भोसकल्याची घटना घडली आहे. अंबरनाथच्या (Ambernath) आंबेडकर नगर परिसरात ही घटना घडली असून याप्रकरणी शिवाजीनगर पोलिसांनी (Police) हत्येच्या प्रयत्नाचा गुन्हा दाखल करत आरोपीला बेड्या ठोकल्या आहेत.

हे देखील पाहा -

अंबरनाथच्या आंबेडकर नगरमधील रोहिदास गल्लीत रवींद्र सोनवणे हे ५२ वर्षीय इसम वास्तव्याला आहेत. त्यांच्याच गल्लीत प्रशांत उर्फ बबलू राजगुरू हा २४ वर्षांचा तरुण राहतो. गुरुवारी २६ मे रोजी रवींद्र सोनवणे हे त्यांच्या घरात असताना बबलू तिथे आला आणि त्याने रवींद्र यांना दारूपिण्यासाठी पैसे मागितले. मात्र रवींद्र यांनी त्याला नकार दिल्यानं बबलूने त्यांच्या घरातील टीव्ही, स्लायडिंगच्या खिडक्या, पंखा आणि अन्य सामानाची तोडफोड केली.

Ambernath News
दोघांचे भांडण सोडवायला गेला अन् स्वत:चाच जीव गमावून बसला

यावेळी रवींद्र हे बबलूला घराबाहेर काढत असताना त्याने रवींद्र यांच्या पोटात चाकूने ३ वेळा भोसकलं. यामध्ये गंभीर जखमी झालेल्या रवींद्र यांना कल्याणच्या फोर्टीस रुग्णालयामध्ये उपचारांसाठी दाखल करण्यात आलं आहे. या घटनेनंतर शिवाजीनगर पोलिसांनी बबलू राजगुरू याच्याविरोधात हत्येच्या प्रयत्नासह अन्य गुन्हे दाखल करत त्याला बेड्या ठोकल्याची माहिती शिवाजीनगर पोलीस ठाण्याचे वरिष्ठ पोलीस निरीक्षक मधुकर भोगे यांनी दिली आहे.

Edited By - Shivani Tichkule

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com