Mumbai: शिवसेना आणि शिवसेना पक्ष चिन्हासंदर्भात निवडणूक आयोगात आज म्हणजेच 20 जानेवारीला निवडणूक आयोगात सुनावणी पार पडणार आहे. गेल्या सुनावणीत ठाकरे गटाच्या वतीने अँड कपिल सिब्बल यांनी बाजू मांडली होती. यावेळी ठाकरे गटाला आपलं म्हणणं मांडण्यासाठी त्यांनी आयोगाकडे अधिकचा अडीच तास वेळ मागितला होता.
याबद्दल आता महत्वाची अपडेट समोर येत असून काल पंतप्रधान नरेंद्र मोदींच्या दौऱ्यावेळी एकनाथ शिंदेंच्या भाषणाचा आशय ठाकरे गटाकडून निवडणुक आयोगासमोर सादर केला जाणार आहे. (Mumbai News)
याबाबत अधिक माहिती अशी की, पंतप्रधान नरेंद्र मोदी काल मुंबई दौऱ्यावर आले होते. यावेळी बीकेसी मैदानावर सभाही घेण्यात आली. राज्याचे मुख्यमंत्री एकनाथ शिंदेंनी (Eknath Shinde) आपल्या भाषणात "दावोसामध्ये मला तुम्ही मोदींसोबत आहात का असे विचारले, त्यावेळी मी त्यांना आम्ही मोदींचीच माणसे आहोत," असे उत्तर दिल्याचे सांगितले होते.
त्यांच्या याच वक्तव्याचा ठाकरे गटाचे वकील निवडणुक आयोगासमोर मुद्दा उपस्थित करणार असल्याची माहिती समोर आली आहे.
ठाकरे गटाच्या वकिलांकडून त्यांच्या या भाषणाचा व्हिडिओही निवडणुक आयोगाला दाखवला जाणार असल्याची माहिती समोर आली आहे. या संपूर्ण खटल्याचा ठाकरे गटाकडून कपिल सिब्बल युक्तीवाद करत आहेत, तर शिंदे गटाच्या वतीने अँड महेश जेठमलानी युक्तीवाद करत आहेत. या खटल्यात आज नक्की काय होणार, याकडे दोन्ही गटांसह राज्याचे लक्ष लागून राहिले आहे.
शिवसेना (उद्धव बाळासाहेब ठाकरे)
16 आमदार
13 विधानपरिषद
05 लोकसभा खासदार
03 राज्यसभा खासदार
182 राष्ट्रीय कार्यकारणी सदस्य
प्रतिज्ञापत्र 3 लाख (जिल्हा प्रमुख ते गटप्रमुख)
प्राथमिक सदस्य 20 लाख
एकूण कागदपत्र 23 लाख 182
बाळासाहेबांची शिवसेना
खासदार 13
आमदार 40
संघटनात्मक प्रतिनिधी 711
स्थानिक स्वराज्य संस्था प्रतिनिधी-2046
प्राथमिक सदस्य 4,48,318
शिवसेना राज्यप्रमुख 11
एकूण 4 लाख 51 हजार 139
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.