Heavy Rain: मुंबई, ठाण्यासह उपनगरात जोरदार पाऊस; जलमय रस्त्यामुळे काही ठिकाणी वाहतुक कोंडी

Heavy Rain In Mumbai: आज, शुक्रवारी, सकाळपासून पावसाचा जोर ठाणे शहरात वाढला आहे.
Heavy Rain In Mumbai:
Heavy Rain In Mumbai:चेतन इंगळे

मुंबई: राज्यात गेल्या आठवडाभरापासून पाऊस (Heavy Rain) पडत आहे. परतीच्या पावसाने राज्यातील अनेक जिल्ह्यांना झोडपलं आहे. खासकरुन मुंबई, ठाणे, पालघर, रायगड, पुणे यांच्यासह मुंबई उपनगरात गेल्या आठवड्याभरापासून पावसाने जोरदार बॅटींग केल्याने अनेक ठिकाणचे रस्ते हे जलमय झाले होते. यामुळे वाहुतकीची गती धीमी झाली तर, काही ठिकाणी वाहतुक कोंडीही झाली. (Mumbai Weather News)

Heavy Rain In Mumbai:
Ameesha Patel: ४६ वर्षांच्या अमिषा पटेलला पाणी पिताना पाहून चाहत्यांचाही घसा पडला कोरडा; कमेंट्समधून दिलं भरभरुन प्रेम, पाहा Photos

वसई-विरारमधील रस्ते पुन्हा जलमय

वसई-विरारमध्ये पहाटे पासून पावसाने जोरदार बॅटिंग केली आहे. नालासोपारा पूर्वेकडील गाला नगर, जया पॅलेस,तुळींज रोड वरील रस्त्यावर एक ते दीड फूट पाणी साचले आहे. गाला नगर रोडवरील उभे असलेले वाहनेही साचल्याने पाण्याखाली गेलेली आहेत. नागरिकांना नाहक त्रास सहन करावा लागत आहे. जर हा पाऊस असाच सुरु राहिला, वसई-विरारमध्ये पूरपरिस्थिती निर्माण होण्याची शक्यता वर्तवण्यात येत आहे.

ठाण्यात वाहतूक कोंडी

आज, शुक्रवारी, सकाळपासून पावसाचा जोर ठाणे शहरात वाढला आहे. त्यामुळे ठाण्यातील घोडबंदर रोडवर वाहनांच्या रांगा (Traffic Jam) लागल्या आहेत. घोडबंदर रोडवरील ठाण्याच्या दिशेने जाणार्‍या कापूरबावडी नाका ते कासारवडवली या रस्त्यावर दोन किलोमीटरपर्यंत वाहनांच्या लांबच लांब रांगा लागल्या आहेत, तर सर्विस रोड रिकामे ठेवण्यात आले आहेत.

Heavy Rain In Mumbai:
आम्ही मांजरप्रेमी! हरवलेल्या बोक्याला शोधण्यासाठी शहरात लावले पोस्टर; ३ दिवसांनी लागला 'मन्या'चा शोध

हवामान विभागाचा अंदाज

काल गुरुवारी मुंबईसह कोकणात बहुतांश भागात हलक्या ते मध्यम स्वरूपाचा पाऊस झाला. पश्चिम महाराष्ट्रात महाबळेश्वरसह काही भागात, तर उत्तर महाराष्ट्रात नाशिक आणि विदर्भात अकोला, अमरावती आदी भागांत हलक्या सरींची नोंद झाली. पुढील एक ते दोन दिवस मुंबई, ठाणे, पालघर, रायगड, रत्नागिरी, नाशिक, पुणे, सातारा आदी जिल्ह्यांत मध्यम स्वरुपाच्या पावसाची शक्यता आहे. त्यानंतरच्या काळात राज्यात तुरळक भागांत विजांच्या कडकडाटात हलक्या पावसाची शक्यता आहे. जळगाव, औरंगाबाद, जालना आणि विदर्भातील तुरळक भागांत 18 आणि 19 सप्टेंबरला हलका पाऊस पडेल, असा अंदाज हवामान विभागाने वर्तविला आहे.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com