डोंबिवली : गेल्या महिन्याभरापासून रोज काही ना काही राजकीय घडामोडी होताना दिसत आहेत. गेले काही दिवस महाराष्ट्र राजकारणात रिक्षावाला हा शब्द खूप गाजत आहे. त्यातच आता मनसेने (mns) शिवसेना (shivsena) झटका देत शिवसेनेच्या संघटनेमधील तब्बल १२० रिक्षाचालकांनी (rickshaw driver) मनसेच्या संघटनेत प्रवेश केला आहे. (mns latest marathi news)
राज्याचे मुख्यमंत्री एकनाथ शिंदे (eknath shinde) यांचा रिक्षाचालक ते मुख्यमंत्रीपद असा झाला. त्यावरून शिवसेनेच्या नेत्यांनी शिंदे यांना रिक्षावाला म्हणून हिणवले. त्यानंतर मुख्यमंत्री एकनाथ शिंदे यांनी देखील सेना नेत्यांना जशास तसे उत्तर दिले.
दुसरीकडे डोंबिवलीत आता मनसेने शिवसेनेस झटका दिला आहे. शिवसेनेच्या संघटनेमधील तब्बल १२० रिक्षाचालकांनी मनसेच्या संघटनेत प्रवेश केला. महाराष्ट्र नवनिर्माण वाहतुक सेनेच्या माध्यमातून व मनसे पदाधिकारी प्रदीप चौधरी यांच्या प्रयत्नातून ठाकुर्ली रेल्वे स्थानक शेजारील रिक्षा थांब्याचे नुतनीकरण करण्यात आले.
त्याचे उद्घाटन वाहतुक सेनेचे सरचिटणीस अरिफभाई शेख यांच्या हस्ते झाले. यावेळी जिल्हाध्यक्ष प्रकाश भोईर, शहर संघटक योगेश पाटील आणि इतर पदाधिकारी उपस्थित होते. हे १२० रिक्षाचालक गेले ३० वर्ष शिवसेनेच्या माध्यमातून रिक्षा संघटनेत कार्यरत होते. आज हे सर्व मनसेचे प्रमुख राज ठाकरे यांच्या विचारांनी प्रेरित होऊन महाराष्ट्र नवनिर्माण वाहतुक सेनेत आल्याने आनंद झाल्याचे जिल्हाध्यक्ष प्रकाश भोईर यांनी नमूद केले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
