Pune News : बायकोनं जेवण दिलं नाही, संतापलेल्या नवऱ्याचं भयंकर कृत्य; पुण्यात हादरवणारी घटना

>> सचिन जाधव

पुणे : जेवण न दिल्याच्या रागातून पतीने पत्नीचा गळा आवळून हत्या केल्याची घटना पुण्यात घडली आहे. पुण्याच्या अप्पर इंदिरानगर परिसर रविवारी रात्री या घटनेने हादरला. पोलीस ठाण्यात याप्रकरणी गुन्हा दाखल करण्यात आला असून आरोपी पतीला अटक केली आहे.

सविता संदीप औचिते असं मृत महिलेचं नाव आहे. तर आरोपी पती परशुराम जोगण याला पोलिसांनी अटक केली आहे. गणेश दत्तात्रय शिंदे यांनी दाखल केलेल्या तक्रारीवरुन पोलिसांनी ही कारवाई केली आहे. (Latest Marathi News)

आरोपी पती परशुराम हा रिक्षा चालक आहे. भाड्याची रिक्षा चालवून तो कुटुंबाचा उदरनिर्वाह करतो. तर मयत महिला ही त्याची दुसरी पत्नी होती. रविवारी रात्री त्यांच्यात कडाक्याचे भांडण झाले. मयत पत्नीने दारू प्यायली होती होती, तसेच तिने त्याला जेवणही दिले नाही. याचाच राग मनात धरून आरोपीने पत्नीला लाथा बुक्क्यांनी मारहाण करत तिची हत्या केला.पोलिसांनी गुन्हा दाखल करून आरोपीला अटक केली आहे.