दिंडीत घुसला भरधाव कंटनेर; एका वारकऱ्याचा मृत्यू; तीन जखमी

संत तुकाराम महाराजांच्या पालखी सोहळा प्रस्थानाच्या दिवशीच एका वारकऱ्यावर काळाने घाला घातल आहे.
Ashadhi Wari 2022 Accident
Ashadhi Wari 2022 AccidentSaam TV

पिंपरी: संत तुकाराम महाराजांच्या (Sant Tukaram Maharaj) पालखी सोहळा प्रस्थानाच्या दिवशीच एका वारकऱ्यावर काळाने घाला घातल आहे. देहूहून (Dehu) आळंदीकडे पायी जात असणाऱ्या दिंडीमध्ये भरधाव वेगाने आलेला कंटेनर शिरल्यामुळे एका वारकऱ्याला आपला जीव गमवावा लागला आहे. तर अन्य ३ जण गंभीर जखमी झाले आहेत.

सदर घटना काल सोमवारी सायंकाळी देहू-आळंदी मार्गावरील (Dehu-Alandi Route) चिखली येथे घडली. या अपघातात मृत्यू झालेल्या वारकऱ्याचे (Warkari) नाव भगवान साहेबराव घुगे वय वर्ष ३० रा. दगडवाडी, ता. देऊळगावराजा, जि. बुलढाणा असे आहे. तर भिकाजी बनसोडे, पुंजाबाई हुसे, बबन जयभाये सर्व रा. दगडवाडी, ता. देऊळगावराजा, जि. बुलढाणा (Buldhana) अशी जखमी वारकऱ्यांची नावं आहेत. या अपघाता प्रकरणी भास्कर बाजीराव जायभाये यांनी फिर्याद दिल्यानुसार वाहन चालक जगन्नाथ भानुदास मुंडे (चिखली) याला पोलिसांनी अटक केली आहे.

Ashadhi Wari 2022 Accident
'अकेला देवेंद्र क्या करेंगा म्हणणाऱ्यांना...' ; भाजप नेत्याचा महाविकास आघाडीवर घणाघात

काल सायंकाळी हे वारकरी देहू येथे दर्शन घेवून आळंदीकडे (Alandi) पायी जात होते. त्यावेळी कॅनबे चौक ते चिखली या दरम्यान एका भरधाव कंटेनरने त्यांना धडक दिली . यामध्ये भगवान साहेबराव घुगे यांचा मृत्यू झाला. तर अन्य तीनजण जखमी झाले. जखमींवर रुग्णालयात उपचार सुरू असून देहूरोड पोलिस स्टेशनमध्ये (Dehuroad Police Station) या अपघाताप्रकरणी गुन्हा दाखल असून कंटेनर चालकाला अटक करण्यात आली आहे.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com