अंबरनाथमध्ये चोरट्यांनी मंदिरातली दानपेटी लांबवली

अंबरनाथमध्ये चोरट्यांनी मंदिरातली दानपेटी लांबवली आहे. खुंटवलीच्या हनुमान मंदिरातली ही घटना सीसीटीव्हीत कैद झाली आहे.
अंबरनाथमध्ये चोरट्यांनी मंदिरातली दानपेटी लांबवली
अंबरनाथमध्ये चोरट्यांनी मंदिरातली दानपेटी लांबवलीअजय दुधाणे

अंबरनाथ : अंबरनाथमध्ये चोरट्यांनी थेट मंदिराच्या दानपेटीवरच डल्ला मारल्याची घटना घडली आहे. अंबरनाथ पश्चिमेच्या खुंटवली भागातील हनुमान मंदिरात ही चोरी झाली आहे. याबाबात अद्यापही पोलिसात कुठलाही गुन्हा दाखल करण्यात आलेला नाही. (In Ambernath, thieves stole the donation box from the temple)

हे देखील पहा -

हनुमान मंदिरात दैनंदिन पूजाअर्चा करणारे पुजारी हे मंगळवारी रात्री ९.३० च्या सुमारास मंदिर बंद करून निघून गेले. त्यानंतर ११.३० च्या सुमारास पुन्हा हे पुजारी मंदिरालगतच्या खोलीत येऊन झोपले. याच कालावधीत मंदिरात दोन अज्ञात चोरट्यांनी प्रवेश केला आणि मंदिरातील दानपेटीवर डल्ला मारला. दानपेटीचं कुलूप तोडून त्यातून चिल्लर रक्कम या चोरट्यांनी चोरून नेली. यावेळी हे चोरटे सीसीटीव्हीत कैद झालेत.

अंबरनाथमध्ये चोरट्यांनी मंदिरातली दानपेटी लांबवली
विठ्ठल रुक्मिणी मंदिर समितीची आर्थिक परवड; मंदिर बंद असतानाही भरले 71 लाखाचे वीज बिल

सकाळी मंदिर उघडल्यानंतर हा सगळा प्रकार पुजाऱ्यांच्या लक्षात आला. दरम्यान, दानपेटीत नक्की किती रक्कम होती, हे सांगणं कठीण असलं, तरी त्यात ४० ते ५० हजार रुपयांची रोख रक्कम असेल, असा दावा मंदिराच्या पुजाऱ्यांनी केला आहे.

Edited By - Akshay Baisane

Related Stories

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com