पिंपरी-चिंचवडमध्ये नायलॉन मांजाने कापला दुचाकीस्वाराचा गळा; पडले आठ टाके!

कैलास पवार यांना गळ्याला काहीतरी चावल्यासारखे वाटले; त्यांनी गळ्याला हात लावला, तर गळा रक्तबंबाळ झाला होता.
पिंपरी-चिंचवडमध्ये नायलॉन मांजाने कापला दुचाकीस्वाराचा गळा; पडले आठ टाके!
पिंपरी-चिंचवडमध्ये नायलॉन मांजाने कापला दुचाकीस्वाराचा गळा; पडले आठ टाके!SaamTvNews

पिंपरी-चिंचवड : पिंपरी-चिंचवडमध्ये पतंगाच्या नायलॉन मांजाने दुचाकीस्वाराचा गळा कापला गेल्याची घटना आज सायंकाळी पावणे सहा च्या सुमारास घडली आहे.  कैलास पवार असे जखमी झालेल्या व्यक्तीचे नाव असून गंभीर दुखापत होऊन गळ्याला आठ टाके पडले आहेत. तसेच, मांजा बाजूला करताना त्यांची बोट देखील कापली आहेत. खरं तर नायलॉन मांज्यावर (Chinese Manja) बंदी आहे. मात्र, काही दुकानदार सर्रास त्याची विक्री करत आहेत.

हे देखील पहा :

कैलास पवार हे दुचाकीवरून भोसरी (Bhosari) येथून नाशिक फाटा येथील घरी येत होते. तेव्हा, लांडेवाडी येथील चढावरून दुचाकी येत असताना त्यांना गळ्याला काही तरी चावा घेत आहे अस वाटलं. त्यांनी गळ्याला हात लावला, तर गळा रक्तबंबाळ झाला होता. मांजा हाताने बाजूला करण्याचा पर्यंत केला असता हाताची बोटं देखील कापली गेली आहेत. ही घटना सायंकाळी पावणे सहा च्या सुमारास घडली आहे. अशी माहिती कैलास पवार यांनी दिली आहे. पवार हे तातडीने रुग्णालयात (Hospital) गेले तिथे उपचार घेतले असून आठ टाके पडले असल्याचं त्यांनी सांगितलं आहे.

पिंपरी-चिंचवडमध्ये नायलॉन मांजाने कापला दुचाकीस्वाराचा गळा; पडले आठ टाके!
चायनीज मांजाने त्याचा पंख कापला; बदकाने पक्षी मित्राच्या हातावर सोडला प्राण !

दरम्यान, गेल्याच वर्षी एप्रिल महिन्यात पतंगाचा मांजा अडकून गळा चिरल्याने दुचाकीवरील डॉक्‍टर कृपाली निकम या तरुणीचा जागीच मृत्यू झाल्याची घटना नाशिक फाट्यावरील जेआरडी टाटा उड्डाण पुलावर सायंकाळच्या सुमारास घडली होती. तसेच या घटनेमुळे पुन्हा एकदा नायलॉन मांजा हा जीवावर बेतू शकतो हे अधोरेखित झालं आहे.

Edited By : Krushnarav Sathe

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com