Mumbai Nalesafai News: पावसाळ्यापूर्वीच्या नालेसफाईच्या कामांची एकनाथ शिंदेकडून पाहणी, मुख्यमंत्री स्वत: नाल्यात उतरले

संजय गडदे

Mumbai News: मुख्यमंत्री एकनाथ शिंदे यांनी पावसाआधी मुंबईतील नालेसफाईचा आढावा घेतला. मुख्यमंत्र्यांनी आज पश्चिम उपनगरातील सांताक्रुज मिलन सब वेपासून पाहणी दौऱ्याला सुरुवात केली. मुख्यमंत्र्यांनी आज अंधेरी पूर्व पश्चिमेला जोडणाऱ्या गोखले पूलाची देखील पाहणी केली.

गोखले पूल लवकरात लवकर कसा उभारता येईल आणि जनतेला दिलासा कसा देता येईल याकडे लक्ष अशा सूचना मुख्यमंत्र्यांनी महापालिका अधिकाऱ्यांना दिल्या. यावेळी मुख्यमंत्र्यांसोबत भाजप खासदार गोपाळ शेट्टी, मंत्री मंगलप्रभात लोढा, योगेश सागर, प्रकाश सुर्वे आणि महापालिका प्रशाशक इक्बालसिंह चहल देखील उपस्थित होते. (Mumbai News)

गोखले ब्रीज हा अत्यंत महत्त्वाचा ब्रीज आहे. त्यामुळे याचं काम युद्ध पातळीवर सुरू आहे. त्यासाठी लागणारे एका विशिष्ट प्रकारचे स्टील पुरवठादराने पुरवलं आहे. अजूनही काही स्टील लागते तेही लवकर मिळेल. मी स्वतः जिंदाल यांच्याशी बोलून ते स्टील पुरवण्यास सांगणार आहे, असं मुख्यमंत्री एकनाथ शिंदे (Eknath Shinde)  यांनी म्हटलं.

दिवाळीपर्यंत पूल सुरू करण्याचे प्रयत्न

दिवाळीपर्यंत पूल सुरू करण्याचे प्रयत्न आहेत. त्यामुळे सर्व अडथळे दूर केले जातील. रेल्वे पुलावरून नागरिकांना चालण्यासाठी परवानगी मिळावी यासाठी DRM बरोबर बोलणार आहे, असं मुख्यमंत्री एकनाथ शिंदे यांनी म्हटलं. (Breaking Marathi News)

मुख्यमंत्री स्वत: नाल्यात उतरले

मुख्यमंत्री एकनाथ शिंदे यांनी स्वतः नाल्यात उतरून सुरू असलेल्या नालेसफाईच्या कामाचा आढावा घेतला. मुख्यमंत्री एकनाथ शिंदे यांनी ओशिवरा येथे नाल्यात सुरू असलेल्या नालेसफाईचे कामाची पाहणी केली. यावेळी नालेसफाई करणाऱ्या कामगारासोबत संवाद साधून त्यांचे काम जाणून घेतले, तसेच त्यांना कामाबद्दल शाबासकी दिली.