नरेंद्र मोदी यांना चहा विक्रेता म्हणण्याऐवजी चहा विक्रेत्याचा मुलगा म्हटले पाहिजे- प्रल्हाद मोदी

अजय दुधाणे

उल्हासनगर : पंतप्रधान नरेंद्र मोदी Narendra Modi यांना टीकाकार चहा विक्रेता अशी टीका करतात. पण आमचा हा व्यवसाय वडिलोपार्जित असून आम्ही पाचही भाऊ चहाच विकत होतो. तेंव्हा नरेंद्र मोदी यांना चहा विक्रेता म्हणण्याऐवजी त्यांना चहा विक्रेत्याचा मुलगा म्हटले पाहिजे असे पंतप्रधान नरेंद्र मोदी यांचे भाऊ प्रल्हाद Pralhad Modi मोदी यांनी उल्हासनगरात Ulhasnagar स्पष्ट केले.

हे देखील पहा-

ते ऑल इंडिया फेयर प्राइज शॉप असोसिएशनचे राष्ट्रीय उपाध्यक्ष आहेत. व्यापारी हा देशातील प्रमुख घटक आहे, व्यापाऱ्यांनी एकजुटता दाखविल्यास राज्य सरकारच काय केंद्र सरकार देखील तुमच्या मागणीपुढे झुकेल असा सल्ला पंतप्रधान नरेंद्र मोदी यांचे बंधू प्रल्हाद मोदी यांनी उल्हासनगरमधील व्यापाऱ्यांना दिला.

तसेच वेळ पडल्यास जीएसटी अर्थात वस्तु सेवा कर भरू नका, शासनाची कोंडी करा, असे आवाहन देखिल व्यापाऱ्यांना केले. युटीएचे अध्यक्ष सुमित चक्रवर्ती यांच्या विनंतीनुसार प्रल्हाद मोदी हे शहरात लॉकडाऊनमध्ये देशोधडीला लागलेल्या व्यापाऱ्यांच्या समस्या ऐकून घेण्यासाठी आले होते.

Edited By-Sanika Gade