शिवसेनेला आणखी एक धक्का; आदित्य ठाकरेंचे निकटवर्तीय राहुल कनाल यांच्या घरावर IT ची धाड!

शिवसेना उपनेते आणि स्थायी समितीचे अध्यक्ष यशवंत जाधव (Yashwant Jadhav) यांच्या घरावर आयकर विभागाने धाड टाकल्याची घटना ताजी आहेच. त्यातच भर म्हणून आज शिवसेनेच्या (Shivsena) आणखी एका नेत्याच्या घरी ITची (Income Tax) छापेमारी सुरू आहे.
शिवसेनेला आणखी एक धक्का; आदित्य ठाकरेंचे निकटवर्तीय राहुल कनाल यांच्या घरावर IT ची धाड!
IT raid on Rahul KanalSaam Tv

रश्मी पुराणिक

मुंबई: शिवसेना उपनेते आणि स्थायी समितीचे अध्यक्ष यशवंत जाधव (Yashwant Jadhav) यांच्या घरावर आयकर विभागाने धाड टाकल्याची घटना ताजी आहेच. त्यातच भर म्हणून आज शिवसेनेच्या आणखी एका नेत्याच्या घरी IT ची छापेमारी सुरू आहे. राज्याचे पर्यावरण मंत्री आदित्य ठाकरे (Aditya Thackeray) यांचे निकटवर्तीय आणि युवासेनेचे पदाधिकारी राहुल कनाल (Rahul Kanal) यांच्या घरी आयकर विभागाने छापा टाकला आहे.

आज सकाळीच आयकर विभागाचे एक पथक कनाल यांच्या घरी पोहोचले. त्यानंतर त्यांनी छापेमारीस सुरू केली. यावेळी त्यांच्या घराबाहेर केंद्रीय राखीव दलाच्या जवानांचा मोठा बंदोबस्त ठेवण्यात आला आहे. आज शिवसेना खासदार संजय राऊत (Sanjay Raut) यांची आज दुपारी पत्रकार परिषद होणार आहे. त्यामुळे या परिषदेत राऊत कोणता घोटाळा बाहेर काढणार याकडे लक्ष लागले आहे.(IT raid on Rahul Kanal)

IT raid on Rahul Kanal
India Corona Updates: देशात 24 तासांत 3,993 नवीन रुग्णांची नोंद; 108 जणांचा मृत्यू

मिळालेल्या माहितीनुसार, आज सकाळी शिर्डी देवस्थानचे ट्स्टी आणि युवा सेनेचे पदाधिकारी राहुल कनाल यांच्या घरी आयकर विभागाने छापा मारला आहे. आयकर विभागाचे एक पथक कनाल यांच्या वांद्रे येथील भाभा हॉस्पिटलच्या परिसरातील नाईन अल्मेडा इमारतीतील कनाल यांच्या घरी आले आणि त्यांनी घराची झाडाझडती सुरू केली आहे. सध्या राहुल कनाल हे घरी आहेत की नाही याची माहिती मिळू शकली नाही.(Rahul Kanal News)

हे देखील पहा-

कोण आहेत राहुल कनाल?

राहुल कनाल हे प्रसिद्ध उद्योजक आहेत. तसेच ते युवा सेनेचे पदाधिकारी आहेत. तसेच आदित्य ठाकरे यांचे ते निकटवर्तीय आहेत. या शिवाय शिर्डी देवस्थान समितीवर ते पदाधिकारीही आहेत.

आदित्य ठाकरे या कारवाईवर काय म्हणाले;

आधी देखील अशी आक्रमण झाली आहेत. ही दिल्लीची आक्रमण आहेत. ही भाजपची प्रचार यंत्रणा झाली आहे. महाराष्ट्र झुकणार नाही आणि थांबणार नाही अशी प्रतिक्रिया आदित्य ठाकरे या कारवाईवर दिली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com