पुणे : आज सकाळी युवा सेनेचे पदाधिकारी राहुल कनाल यांच्या घरावर आयकर विभागाने धाड मारली होती. त्यानंतर शिवसेना नेते परिवहन मंत्री अनिल परब (Transport Minister Anil Parab) यांचे निकटवर्तीय परिवहन अधिकारी शिवसैनिक संजय कदम यांच्या घरावर देखील आयकर विभागाने धाड मारली अशातच आता परब यांच्याशी संबंधित अधिकारी बजरंग खरमाटे (Bajrang Kharmate) यांच्या पुण्यातील घरीही आयकर विभागाने छापेमारी (Income tax department raid) सुरु केली आहे.
बजरंग खरमाटे यांच्या पुण्यातील घरी आयकर विभागाचा छापा सुरु केला आहे. पुण्यातील औंध भागातील खरमाटेंच्या घरी आयकर विभागाचे अधिकारी सकाळपासून तळ ठोकून आहेत. भाजपनेते किरिट सोमय्या (Kirit Somaiya) यांनी अनिल परब यांची बेनामी संपत्ती बजरंग खरमाटेंच्या नावावर असल्याचा आरोप करुन काही दिवसांपुर्वी खरमाटेंच्या पुण्याजवळील भुगाव मधील फार्म हाऊसची पाहणी केली होती. त्यानंतर आज आयकर विभागाची टीम खरमाटेंच्या घरी पोहचलीय.
Edited By - Jagdish Patil
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
