अभिजीत देशमुख, प्रतिनिधी
लायब्ररीमध्ये अभ्यास करण्यासाठी गेलेल्या दोन विद्यार्थ्यांना किरकोळ वादातुन लोखंडी रॉडने बेदम मारहाण केल्याचा धक्कादायक प्रकार कल्याणमध्ये घडला. या मारहाणीत दोन्ही तरुण गंभीर जखमी झाले असून त्यांच्यावर उपचार सुरू आहेत. या घटनेने परिसरात एकच खळबळ उडाली असून या प्रकरणी कोळसेवाडी पोलिसांनी तपास सुरू केला आहे .
याबाबत सविस्तर माहिती अशी की, कल्याण पूर्व परिसरात राहणारे चंद्रप्रकाश यादव आणि रॉबिन सिंग हे दोघे विद्यार्थी आज दुपारच्या सुमारास कल्याण काटेमानवली पुलाजवळ असलेल्या लायब्ररी मध्ये अभ्यास करण्यासाठी गेले होते.
अभ्यास आटोपून लायब्ररी खाली उतरले याचवेळी एका तरुणाने किरकोळ वादातून त्यांना शिवीगाळ केली. दोघांनी या तरुणांना जाब विचारताच संतापलेल्या तरुणांनी चंद्रप्रकाश यादव आणि रॉबिन सिंग या दोघांना लोखंडी रॉडने ठोशा, बुक्क्यांनी बेदम मारहाण केली.
या मारहाणीत चंद्रप्रकाश यादव आणि रॉबिन सिंग दोघांना दुखापत झाली असून त्यांना उपचारासाठी रुग्णालयात दाखल करण्यात आले आहे .तर या प्रकरणी कोळसेवाडी पोलीसांनी पुढील तपास सुरू केला आहे. या घटनेने परिसरात एकच खळबळ उडाली असून गुन्हेगारांना पोलिसांचा धाक राहिला नाही का? असा सवाल उपस्थित होत आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
