पुणे : करुणा शर्मा (karuna sharma) हिच्यासह अजयकुमार देडेवर पुण्यात गुन्हा दाखल करण्यात आला आहे. अनैसर्गिक अत्याचार, कौटुंबीक छळ अशा विविध कलमान्वये करुणा शर्मा आणि अजय देडेवर गुन्हा नोंद करण्यात आला आहे. पुण्यातील (Pune) येरवडा पोलीस स्टेशनमध्ये हा गुन्हा दाखल झाला आहे. पोलिसात गुन्हा (Crime) दाखल झाल्याने करुणा शर्माच्या अडचणी वाढल्या आहेत. ( Pune Crime News In Marathi )
करुणा शर्माच्या विरोधात पुण्यातील येरवडा पोलीस स्टेशनमध्ये गुन्हा दाखल झाला आहे. पीडित महिलेला तिच्या पतीकडून घटस्फोट दे म्हणून धमकवल्या प्रकरणी गुन्हा दाखल करण्यात आला आहे. २३ वर्षीय पीडित महिलेने करुणा शर्मा आणि तिच्या पतीने धमकावत शस्त्राचा धाक दाखवत जातीवाचक शिवीगाळ केल्याचा आरोप केला आहे. घटस्फोटासाठी जीवे मारण्याची धमकी देऊन अनैसर्गिक शारीरिक संबंध ठेवून मानसिक व शारीरिक त्रास दिल्याचा आरोप पीडित महिलेने केला आहे. पोलिसात (Police) करुणा शर्मा आणि अजयकुमार देडे या दोघांवर गुन्हा दाखल झाल्याने त्यांच्या अडचणी वाढल्या आहेत.
कोण आहेत करुणा शर्मा ?
करुणा शर्मा हे नाव महाराष्ट्रात सर्वांत पहिल्यांदा जानेवारी २०२१ मध्ये चर्चेत आलं. करुणा शर्माची बहीण रेणू शर्मा हिने मुंबईतील ओशिवरा पोलीस ठाण्यात धनंजय मुंडे यांच्याविरोधात तक्रार दाखल केली होती. यानंतर करुणा आणि धनंजय मुंडे यांच्यामधील संबंध समोर आले. याला धनंजय मुंडे यांनी फेसबुकवर पोस्ट करत पुष्टी दिली. “करुणा शर्मा यांच्यासोबत माझे २००३ सालापासून परस्पर सहमतीने संबंध आहेत,” अशी जाहीर कबुली धनंजय मुंडे यांनी १२ जानेवारी २०२१ रोजी दिली होती. तसंच करुणा यांच्यापासून दोन अपत्ये असल्याचं जाहीर केलं होतं. करुणा शर्माने अहमदनगरमध्ये सभा घेऊन पक्षाची घोषणा केली होती. शिवशक्ती सेना असं नाव सभेत जाहीर केलं होतं. तसेच शर्माने बीडच्या परळी मतदारसंघात धनंजय मुंडे यांच्या विरोधात निवडणूक लढवण्याचे जाहीर केले होते.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.