Kasba Bypoll Election : देवेंद्र फडणवीस यांनी आज कसबा विधानसभा पोटनिवडणुकीतील भाजपचे उमेदवार हेमंत रासने यांच्या विजयासाठी रॅली काढली. यावेळी रॅलीला संबोधित करताना फडणवीसांनी केंद्रात भाजप, राज्यात भाजप; मग कसब्याचा आमदार कोणता हवा असं म्हणत हेमंत रासणेंना विजयी करण्याचे आवाहन केले.
यावेळी फडणवीस यांनी विरोधकांवर देखील हल्लाबोल केला. देवेंद्र फडणवीस म्हणाले, काय दुटप्पी लोक आहे, निर्णय त्यांचा काळात झाला, तेव्हा त्यांनी आंदोलनाला प्रतिसाद दिला नाही. एमपीएससीचा प्रश्न आम्ही सोडवला. मुख्यमंत्री एकनाथ शिंदे यांनी करून दाखवलं.
पुढे बोलताना ते म्हणाले की, सत्ता आमच्या डोक्यात जात नाही. यांचं सरकार असतं तेव्हा ते तोंड उघडत नाहीत आणि आमचं सरकार आलं की जणू काही यांनीच केलं असं दाखवतात. पण 'ये पब्लिक है सब जानती है' असा टोला त्यांनी विरोधकांना लगावला. (Latest Political News)
देवेंद्र फडणवीस म्हणाले परिवर्तन घडवायचंय त्यामुळे हेमंत रासने यांनाच विजयी करा. केंद्रात भाजप युती सरकार आहे, राज्यात भाजप युती सरकार आहे. मग कसब्यात उमेदवार कसा हवा, तो भाजप समर्थक हवा. नरेंद्र भाई आगे बढो म्हटलं तर कसबा उमेदवाराने काय म्हटलं पाहिजे? असे म्हणत रासने यांनाच विजयी करण्याचं आवाहन देवेंद्र फडणवीस यांनी केले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
