Ravindra Dhangekar : रवींद्र धंगेकरांनी निकालाआधीच उधळला विजयाचा गुलाल; कार्यकर्त्यांमध्ये भलताच उत्साह

Ravindra Dhangekar : अधिकृत निकाल जाहीर होण्याआधीच रवींद्र धंगेकर यांच्या कार्यकर्त्यांनी विजयी जल्लोष सुरू केला आहे.
Ravindra Dhangekar
Ravindra DhangekarSAAM TV

Kasba Peth Bypoll Election Result : विधानसभेच्या कसबा पेठ पोटनिवडणुकीची आज, गुरुवारी मतमोजणी सुरू असून, सुरुवातीचे कल येत आहेत. भाजप आणि महाविकास आघाडीसाठी प्रतिष्ठेच्या असलेल्या कसबा पेठमधून काँग्रेसच्या रवींद्र धंगेकरांनी निर्णायक आघाडी घेतली आहे. तर भाजपचे हेमंत रासने हे पिछाडीवर आहेत. अद्याप अधिकृत निकाल जाहीर झाले नसले तरी, विजयाचा आत्मविश्वास असलेल्या धंगेकरांच्या समर्थकांनी आधीच विजयी जल्लोष करण्यास सुरुवात केली आहे. (Latest Marathi News)

कसबा पेठ आणि चिंचवड विधानसभा पोटनिवडणूक भाजप आणि महाविकास आघाडीने प्रतिष्ठेची केली होती. या निवडणुकीत विजयी होणारच, असा विश्वास भाजपने व्यक्त केला होता. भाजपने कसबा पेठमधून हेमंत रासने यांना उमेदवारी दिली होती. तर चिंचवडमधून अश्विनी जगताप यांना उमेदवारी दिली होती.

Ravindra Dhangekar
Kasba Peth Election Result : कसब्यात भाजपला मोठा धक्का; २८ वर्षांचा बालेकिल्ला ढासाळला, रवींद्र धंगेकरांचा विजय

रवींद्र धंगेकर अखेर विजयी

रवींद्र धंगेकर यांनी अधिकृत निकाल जाहीर होण्याआधीच विजयाचा गुलाल उधळला होता. मात्र, काही वेळाने निकाल जाहीर झाला. रवींद्र धंगेकर यांनी भाजपच्या हेमंत रासने यांचा ११०४० मतांच्या फरकाने पराभव केला.

हेमंत रासने यांनीही पराभव स्वीकारला आहे. उमेदवार म्हणून मी कमी पडलो. यामागची कारणे शोधणार आहे. पक्षाने मला संधी दिली पण मी कमी पडलो. माझा पराभव मला मान्य आहे, अशी प्रतिक्रिया रासने यांनी यावेळी दिली.

Ravindra Dhangekar
Kasba Peth Election Result : कसब्याच्या निकालाआधीच राजकारण तापलं; राष्ट्रवादीचा भाजपवर गंभीर आरोप

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com