Kalyan News : मुंबई, ठाण्यातून गाड्या चाेरी करणारी टाेळी जेरबंद

आंबिवली इराणी वस्तीत राहणार अट्टल गुन्हेगार अब्दुल इराणी याचा पाेलिस शाेध घेताहेत.
kalyan , Khadakpada police, police, mumbai , thane
kalyan , Khadakpada police, police, mumbai , thanesaam tv

Kalyan : खडकपाडा पोलीस ठाण्यातील अधिकारी आणि कर्मचा-यांनी दाेन सराईत गुन्हेगारांना जेरबंद केले आहे. या संशयित आराेपींकडून जबरी चोरी व मोटारसायकल चोरीचे एकूण १८ गुन्हे उघडकीस आणण्यात पाेलिसांना (police) यश आलं आहे. मुंबई (mumbai), ठाणे परिसरात या संशयितांनी चो-या केल्या हाेत्या. पोलिसांनी ११ मोटारसायकल व १५ ग्रॅम सोन्याचा ऐवज संशयितांकडून हस्तगत केला आहे.

आंबिवली स्टेशन जवळ एका महिलेला दोन चोरट्यांनी चाकूचा धाक दाखवत तिच्या गळ्यातील साेन्याची साखळी खेचून फरार झाले होते. याबाबत कल्याणच्या खडकपाडा पोलीस ठाण्यात महिलेने तक्रार नाेंदवली हाेती. या घटनेचा तपास पोलिस करीत हाेते. खडकपाडा पोलीस ठाण्याचे वरिष्ठ पोलीस निरीक्षक सर्जेराव पाटील, एपीआय अनिल गायकवाड, पोलीस निरीक्षक (गुन्हे) शरद झिने आणि टीमने मोहने येथून दोन संशयित आरोपींना अटक केली. तसेच एक संशयिताचा शाेध सुरु ठेवला.

kalyan , Khadakpada police, police, mumbai , thane
Navratri : भाविकांनाे ! तुळजाभवानीच्या दर्शनास जाणार आहात ? वाचा महत्वपुर्ण निर्णय

या प्रकरणी पाेलिसांनी अटक केलेल्यांमध्ये सुनील उर्फ सोन्या शंकर फुलारे (वय 20), गणेश नवनाथ जाधव (वय 26) यांचा समावेश आहे. या प्रकरणात आंबिवली इराणी वस्तीत राहणार अट्टल गुन्हेगार अब्दुल इराणी याचा पाेलिस शाेध घेताहेत.

दरम्यान संबंधित संशयित आरोपींकडे पोलीस कोठडी दरम्यान अधिक तपास केला असता त्यांनी ठाणे जिल्हयात ठाणे, मुंब्रा, कल्याण, भिवंडी, उल्हासनगर, अंबरनाथ, बदलापूर तसेच मुंबई, नवी मुंबई अशा विविध शहरांमध्ये मोटारसायकल चोरी व जबरी चोरीचे गुन्हे केल्याचे उघड झाले आहे.

kalyan , Khadakpada police, police, mumbai , thane
राज्य स्पर्धेत शौचालयात जेवण तयार करुन दिलं खेळाडूंना; क्रीडाधिकारी निलंबित (पाहा व्हिडिओ)

कल्याणचे डीसीपी सचिन गुंजाळ म्हणाले खडकपाडा पोलीस स्टेशनच्या हद्दीत मोटारसायकल चोरीच्या व सोनसाखळी चोरीच्या घटनांची नोंद झालेली होती. यात तपास करताना खडकपाडा पोलीसांनी मोहने येथून दोघांना अटक केली आहे. मुंबईतील चुनाभट्टी येथील एक व्हिडिओ पोलिसांना मिळाला आहे.

सुनील व त्याचा मित्र अब्दुल यांना पोलीस पकडण्याचा प्रयत्न करीत असताना संशयित आरोपींची गाडी स्लिप झाली. मुंबई पोलीस कर्मचाऱ्यांनी त्यांना पकडण्याचा प्रयत्न केला, मात्र पोलिसांना धक्काबुक्की करत ते पळून गेले होते. सोन्या उर्फ सुनील फुलारे याला अटक करण्यात आली आहे. अब्दुल हा अद्याप फरार आहे. मोटारसायकल चोरी करणारा गणेश जाधव याला देखील पोलिसांनी अटक केली आहे.

संशयित आरोपींकडून नऊ लाख साठ हजार किमतीच्या एकूण ११ चोरीच्या मोटारसायकल हस्तगत करण्यात आल्या आहेत. तसेच साठ हजार किंमतीची १५ ग्रॅम वजनाची सोन्याची मण्यांची माळ असा एकूण दहा लाख वीस हजार रुपयांच्या किंमतीचा ऐवज पोलिसांनी हस्तगत केला आहे असेही गुंजाळ यांनी नमूद केले.

Edited By : Siddharth Latkar

kalyan , Khadakpada police, police, mumbai , thane
Accident News : भीषण अपघातात तीन ठार, २० जखमी; स्थानिकांची मदतीसाठी धाव

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com