सहा आमदारांची नावे फोडणे हा आचारसंहितेचा भंग; सोमय्यांचा राऊतांवर गंभीर आरोप
Kirit SomaiyaSaam TV

सहा आमदारांची नावे फोडणे हा आचारसंहितेचा भंग; सोमय्यांचा राऊतांवर गंभीर आरोप

निवडणूक आयोगाने याबद्दल योग्य कारवाई करून या प्रकरणाची चौकशी करावी अशी मागणी त्यांनी केली आहे.

मुंबई - राज्यसभा निवडणुकीत महाविकास आघाडीचे 3 तर भाजपचे 3 उमेदवार विजयी झाले आहेत. यावेळी भाजपाचे धनंजय महाडिक आणि शिवसेनेचे संजय पावर यांच्यातील लढत प्रतिष्ठेची समजली जात होती. या निवडणुकीत संजय पवार यांचा पराभव झाला. या पराभवानंतर शिवसेनेचे खासदार संजय राऊत (Sanjay Raut) यांनी काही आमदारांची नावे घेत या नेत्यांनी आम्हाला मते दिली नाही, असा गंभीर आरोप केला.

संजय राऊतांनी सहा आमदारांची नावं घेतली. यावर आता भाजपाचे नेते किरीट सोमय्या यांनी आक्षेप घेतला आहे. संजय राऊतांनी निवडणुकीच्या आचारसंहितेचे उल्लंघन केले आहे असा आरोप किरीट सोमय्या (Kirit Somaiya) यांनी केला आहे. तसेच निवडणूक आयोगाने याबद्दल योग्य कारवाई करून या प्रकरणाची चौकशी करावी अशी मागणी त्यांनी केली आहे.

हे देखील पाहा -

राऊतांना शिवसेनेला मत न दिलेल्या ६ आमदारांची नावे कशी कळाली? असा थेट सवाल देखील सोमय्या यांनी यावेळी उपस्थित केला. तुम्ही सहा आमदारांची नावे कशी आणि का घेतली? त्याला आधार काय? से सवालही सोमय्या यांनी उपस्थित केले आहेत. संजय राऊत 6 आमदारांची नावे घोषीत केली. असे करुन त्यांनी निवडणूक आयोगाचा भंग केला आहे.याची निवडणूक आयोगानं चौकशी करावी अशी मागणी त्यांनी यावेळी केली.

Kirit Somaiya
दुचाकीस्वाराच्या अंगावर झाड कोसळल्याने एकजण गंभीर जखमी

तसेच पुढे किरीट सोमय्या म्हणाले की, काही छोटे पक्ष आहेत जे आपले उमेदवार उभे करू शकत नाहीत पण ते कुणालाही मतदान करू शकतात, मात्र त्यांनी कुणाला मतदान केलं हे तुम्हाला कसं कळालं, किंवा निवडणूक आयोगाला तरी कसं कळालं? याचं उत्तर संजय राऊत यांना द्यावा लागणार आहे. याचा अर्थ शिवसेनेने आचारसंहितेचा आणि गोपनियतेचा भंग केला आहे." असे आरोप सोमय्यांनी केले आहेत. दरम्यान, किरीट सोमय्या यांनी संजय राऊत यांच्यावर केलेल्या आरोपानंतर आता आयोग काय कारवाई करणार हे पाहणे महत्वाचं ठरणार आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com