Hapus Mango : कोकणाचो हापूस इलो रे! मुंबईत हापूस आंब्याची पहिली पेटी दाखल, वाचा दर किती?

'कोकणचा राजा' समजल्या जाणाऱ्या रत्नागिरी हापूस आंब्याची पहिली पेटी मुंबईत दाखल झाली आहे.
Hapus Mango In Mumbai
Hapus Mango In MumbaiSaam TV

मुंबई : हापूस प्रेमींसाठी एक आनंदाची बातमी आहे. 'कोकणचा राजा' समजल्या जाणाऱ्या रत्नागिरी हापूस आंब्याची पहिली पेटी मुंबईत (Mumbai) दाखल झाली आहे. मुंबईतील कृषी उत्पन्न बाजार समितीमध्ये ही पेटी दाखल झाली आहे. फळ व्यापारी विजय ढोले यांच्या निवृत्ती नानाजी ढोले अँड सन्समध्ये यंदाच्या हंगामातील पहिल्या आंब्याच्या दोन पेट्या दाखल झाल्या आहेत. (Latest Marathi News)

Hapus Mango In Mumbai
हृदयद्रावक! खेळता खेळता बाळाने तोंडात टाकला मासा; श्वास अडकल्याने तडफडून मृत्यू

देवगड तालुक्यातील पुरळ कोठड गावातील शेतकरी वसंत गावकर यांच्या शेतातील हा आंबा आहे. गावकर यांच्या आंबा बागेतील झाडाला पावसाळ्यातच मोहर आला होता. याची त्यांनी चांगली काळजी घेतली. यामुळे थंडीतच झाडाला आंबा आला आहे. त्यांच्या हा आंबा पेटीला चांगली बोली लागणार आहे. हंगामातील ही पहिली पेटी हजारोंच्या किंमतीत विकली जाणार आहे.

मागील दोन ते तीन वर्षांपासून कोरोनाच्या पार्श्वभूमीवर फळांचा राजा आंबा हा म्हणावं तितकं बाजारात आला नसल्याने नागरिकांना एकतर कमी प्रमाणात आणि जास्त दर घेऊन आंबा खरेदी करावा लागला. पण यंदा हंगामाच्या आधीच आंबा हा बाजारात दाखल झाला आहे. यंदा अपेक्षेप्रमाणे जास्तच आंब्याची आवक होणार आहे आणि यंदा मोठ्या प्रमाणात आंब्याला मागणी आहे, अशी माहिती यावेळी फळ व्यापारी विजय ढोले यांनी दिली.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com