पुणे : घरभाडे मागायला आलेल्या घरमालकाच्या मुलाला भाडेकरूने चक्क चौथ्या मजल्यावरून खाली ढकलून दिल्याची घटना घडली आहे. या घटनेत सौरभ पोरे हा घरमालकाचा मुलगा गंभीर जखमी झाला आहे. सौरभ पोरे यांच्या मालकीच्या असलेल्या इमारतीत विजय पाटोळे हे आपल्या कुटुंबासह भाडयाने राहतात.
पाटोळे यांच्याकडे आठ महिन्याचे भाडे मागण्यासाठी घरमालक आणि त्यांचा मुलगा सौरभ पोरे गेला असता भाडेकरू असलेल्या पाटोळे कुटुंबियांना त्याचा राग आला व त्यांनी सौरभ पोरे याला इमारतीच्या टेरेस वर बोलावून धक्काबुक्की व शिवीगाळ करत टेरेस वरून खाली ढकलून दिले.
या घटनेत सौरभ पोरे गंभीर जखमी झाला आहे. या प्रकरणी सांगवी पोलिसांनी भाडेकरू विजय पाटोळे, त्याची पत्नी व मुलगा साहिल पाटोळे या कुटुंबावर खुनाच्या प्रयत्नाचा गुन्हा दाखल केला आहे.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
