Poladpur : धाेकादायक स्थितीमुळं घरे रिकामी करण्याचे निर्देश; ग्रामस्थांचा नकार, प्रशासन हतबल

- सचिन कदम

रायगड : रायगड (raigad) जिल्ह्यातील पोलादपुर (poladpur) तालुक्यातील चरई वडाचा कोंड या गावा वरील डोंगराला मोठ मोठ्या भेगा गेल्याने दरडीचा (landslide) धोका निर्माण झाला आहे. शनिवारी संध्याकाळी उशीरा महसुल विभाग तसेच एनडीआरएफनं (NDRF) घटनास्थळाची पाहणी केली. (raigad news)

या पहाणीनंतर गाव खाली करण्याच्या सुचना ग्रामस्थांना देण्यात आल्या. दरम्यान ग्रामस्थांमध्ये वेगवेगळे मतप्रवाह निर्माण झाले आहेत. काही गाव सोडण्यास विरोध करीत आहेत तर काही गाव सोडायला तयार झाले आहेत.

गावात दोन मत प्रवाह निर्माण झाल्याने प्रशासनासमोर अडचण निर्माण होण्याची शक्यता वर्तवली जात आहे. सध्या तरी दुर्घटना घडली नसली तरी भविष्यात काही घडल्यास जिवीत हानी होऊ नये यासाठी प्रशासन प्रयत्नशिल असल्याचे प्रशासनाने नमूद केले. आम्ही ग्रामस्थांना पुन्हा समजून सांगणार आहाेत असं प्रशासनानं सांगितलं.

Edited By : Siddharth Latkar