कंपनीतील मित्राची मस्ती तरुणाच्या जीवावर बेतली; पार्श्वभागात घातला हायप्रेशर हवेचा पाईप अन्...

कंपनीतील मित्राची मस्ती एका तरुणाच्या जीवावर बेतल्याची धक्कादायक घटना अंबरनाथमधील एका कंपनीत घडली आहे.
Ambernath Company Friends News
Ambernath Company Friends NewsSaam TV

अंबरनाथ : कंपनीतील मित्राची मस्ती एका तरुणाच्या जीवावर बेतल्याची धक्कादायक घटना अंबरनाथमधील एका कंपनीत घडली आहे. कंपनीतील एका तरुणाने आपल्या मित्राच्या पार्श्वभागात कंपनीतील हायप्रेशर असणाऱ्या हवेचा पाईप घातल्यामुळे तरुणाला गंभीर स्वरूपाची अंतर्गत दुखापत झाली असून त्याच्यावरती रुग्णालयात उपचार सुरु आहेत.

अंबरनाथच्या (Ambernath) वडोळ गाव परिसरातल्या एका कंपनीत पीडित तरुण काम करतो. गुरुवारी रात्रीपाळीला हा तरुण कामावर आला होता. शुक्रवारी सकाळी साडेआठच्या सुमारास हा तरुण कंपनीत मशीनवर काम करत असताना त्याचा एक सहकारी मित्र तिथे आला आणि मस्ती म्हणून हवेचा हायप्रेशरचा पाईप या तरुणाच्या पार्श्वभागात घातला.

पाहा व्हिडीओ -

यामुळे ही हायप्रेशरची हवा तरुणाच्या आतड्यांमध्ये जाऊन त्याला गंभीर स्वरूपाची अंतर्गत दुखापत झाली आणि तो क्षणार्धात खाली कोसळला. यावेळी त्याच्या त्याच मित्राने त्याला उचलून हॉस्पिटलमध्ये (Hospital) नेलं. या तरुणाला तपासल्यानंतर त्याचं तातडीने ऑपरेशन करण्याची आवश्यकता असल्याचं डॉक्टरांनी सांगितलं आहे.

सध्या त्या प्रकृती अतिशय नाजूक आहे. शिवाय जखमी तरुणाने हा प्रकार आपल्या मित्राच्या मस्तीने घडला असून आपल्याला कोणतीही तक्रार करायची नसल्याचं पोलिसांना सांगितलं आहे. मात्र या प्रकारामुळे आपली मस्ती एखाद्याच्या कशी जीवावर बेतू शकते, हे समोर आलं आहे.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com