Shivsena News : शिवसेना आणि शिवसेना पक्ष चिन्हासंदर्भात निवडणूक आयोगात आज म्हणजेच 20 जानेवारीला निवडणूक आयोगात सुनावणी पार पडणार आहे. निवडणूक आयोगाच्या सुनावणीत अंतिम निकाल ठाकरे गट की शिंदे गटाच्या बाजूने लागेल याकडे साऱ्यांचे लक्ष लागले आहे. निवडणूक आयोगाची सुनावणी होण्याआधीच घटनातज्ज्ञ उल्हास बापट यांनी प्रतिक्रिया दिली आहे. (Latest Marathi News)
घटनातज्ज्ञ उल्हास बापट (Ulhas Bapat) म्हणाले, 'सुप्रीम कोर्टात पक्षांतर बंदी कायद्याच्या अर्थ लावण्याचे काम सुरू आहे. १६ आमदार अपात्र झाले का नाही, हे ठरवयाचं आहे. निवडणूक आयोगाचं काम एखाद्या पक्षाला मान्यता देणे, चिन्ह देणे असतं. सुप्रीम कोर्टाने निवडणूक आयोगाला सांगितलं होतं की, अंतिम निर्णय लागत नाही'.
'तोपर्यंत निर्णय देऊ नका. आता घटनापीठ झालं की, त्यात सरन्याधीश धनंजय चंद्रचूड यांनी निवडणूक आयोगला सांगितले की, तुम्ही तुमचं काम चालू ठेवा, ते तुमचं काम आहे. संविधानाने तुम्हाला अधिकार दिला आहे. त्यांनी सुप्रिम कोर्टाच्या निर्णयापर्यंत थांबावं, असं मला व्यक्तिगत वाटतं, असेही बापट पुढे म्हणाले.
शिवसेनेच्या ठाकरे आणि शिंदे गटाला कोणते पर्याय आहे, याबाबत उल्हास बापट म्हणाले, ' मला व्यक्तिगत असं वाटतं की, निवडणूक आयोगाने परिपक्वता दाखवली की, आता चिन्ह जसं गोठावलं आहे. तसंच चिन्ह गोठवावं. सुप्रीम कोर्टाच्या निर्णयानंतर निवडणूक आयोगाने (Election Commission) त्यांचा निर्णय द्यावा. असं माझं मत आहे. राजकारण मी जात नाही'.
आज काय होणार?
>> ठाकरे गट शिंदे गटाने सादर केलेल्या कागदपत्रावर आक्षेप घेईल.
>> ज्येष्ठ विधीज्ञ कपिल सिब्बल ठाकरे गटाच्या वतीने युक्तिवाद करतील.
>> अॅड मनिंदर सिंह आणि महेश जेठमलानी कपिल सिब्बल यांनी मांडलेले मुद्दे खोडून काढतील.
>> दोन्ही बाजूचा युक्तीवाद उद्याच जर पूर्ण झाला तर रात्री उशिरा निवडणूक आयोग आपला निर्णय देइल.
>> अन्यथा सुनावणीची पुढील तारीख देईल.
शिवसेना (उद्धव बाळासाहेब ठाकरे)
16 आमदार
13 विधानपरिषद
05 लोकसभा खासदार
03 राज्यसभा खासदार
182 राष्ट्रीय कार्यकारणी सदस्य
प्रतिज्ञापत्र 3 लाख (जिल्हा प्रमुख ते गटप्रमुख)
प्राथमिक सदस्य 20 लाख
एकूण कागदपत्र 23 लाख 182
खासदार 13
आमदार 40
संघटनात्मक प्रतिनिधी 711
स्थानिक स्वराज्य संस्था प्रतिनिधी-2046
प्राथमिक सदस्य 4,48,318
शिवसेना राज्यप्रमुख 11
एकूण 4 लाख 51 हजार 139
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
