केंद्राचं सरकार काँग्रेसला चालवायला द्या, महागाईवरुन नाना पटोलेंचा टोला

2014 ला मोदी पंतप्रधान झाले. महागाई कमी करण्याचे रोजगाराचे आश्वासन देऊन त्यांनी लोकांना विश्वासात घेवून सत्ता स्थापन केली.
केंद्राचं सरकार काँग्रेसला चालवायला द्या, महागाईवरुन नाना पटोलेंचा टोला
Nana PatoleSaam Tv

मुंबई: काँग्रेस प्रदेशाध्यक्ष नाना पटोले (Nana Patole) यांनी देशातील महागाईवरती टीका केली आहे. 2014 ला मोदी पंतप्रधान झाले. महागाई कमी करण्याचे रोजगाराचे आश्वासन देऊन त्यांनी लोकांना विश्वासात घेवून सत्ता स्थापन केली. देशाच्या सत्तेत बसल्यापासून तेव्हापासून एका गोष्टीची किंमत, जीवनावश्यक वस्तूंच्या किमती कमी झाल्या नाहीत तर त्या वाढत गेल्या, देश सतत मागे पडत चाललाय आपला देश 2014 मध्ये फ्रिडम मीडियामध्ये चौथ्या क्रमांकावर होता, आता आपण दिडशेव्या क्रमांकावर गेलो. महागाईचं नातं बीजेपी (BJP) सोबत जोडलं गेलंय अशी टीका नाना पटोले यांनी केली आहे.

Nana Patole
राणा दाम्पत्याकडून न्यायालयाचा अवमान?; शिवसेना कोर्टात जाण्याच्या तयारीत

देशातील लोकांना आर्थिक कमजोर करणे, बेरोजगार करणे हा भाजपचा मूळ उद्देश आहे. महागाईचा इंडेक्स चार टक्क्यांवर गेला तर लोक जगू शकत नाहीत, महागाईचा इंडेक्स ९ टक्क्यावर वर गेला आहे. दरडोई उत्पन्नाच्या आधारावर महागाईचा इंडेक्स ठरवला जातो पण भाजप केंद्र सरकार तो इंडेक्स पार करून आमच्या हातात काहीच नाही असं म्हणत असेल तर केंद्राचं सरकार काँग्रेसला चालवायला द्या. देशाची पत सांभाळून ठेवण्याचे काम फक्त काँग्रेसच करू शकते असे नाना पटोले म्हणाले आहेत.

भाजपचं खोटं बोल पण रेटून हा व्यवसाय आहे ही त्यांची मानसिकता आहे. महाविकास आघाडीचे सरकार आल्यानंतर टॅक्स अजिबात राज्यात वाढलेला नाही फडणवीसांच्या काळातले वाढलेले आहेत. आम्ही जर वाढवले असते तर त्यांना बोलण्याचा अधिकार होता. केंद्र सरकारकडे जीएसटीचे आणि राज्य विकासाचे एक लाख कोटी रुपयांच्या वर पैसे आहेत ते केंद्राने द्यावेत.

राज्याच्या विकासाची काळजी यांना आहे, एमपीएससीची नोकर भरती यांनी केली नाही आता ती सुरू झाली आहे. राज्याला कंगाल करण्याची भूमिका भाजपची असेल तर तो वेगळा भाग असेल. काँग्रेसच्यावतीने मुख्यमंत्र्यांना पत्र लिहून राज्य सरकारने व्हॅटमध्ये काही कमी करता येईल का यावर पत्र दिले आहे असे नाना पटोले म्हणाले आहेत.

Edited By: Pravin Dhamale

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.