काय ती झाडी, काय ते डोंगार... भुशी डॅम ओव्हरफ्लो होताच पर्यटकांची तुफान गर्दी

आज सकाळी दहा च्या सुमारास भुशी धरण ओव्हर फ्लो झाल्याची माहिती स्थानिकांनी दिली.
Lonavala Bhushi Dam
Lonavala Bhushi DamSaam Tv

मावळ : पर्यटन नगरी म्हणून ओळखल्या जाणाऱ्या लोणावळा (Lonavala) शहरांमधील पर्यटनाचे मुख्य आकर्षण केंद्र असलेले भुशी डॅम (Bhushi dam) ओव्हरफ्लो झाला आहे. स्थानिक नागरिकांसह पर्यटकांनी भुशी धरणावर गर्दी केली होती. मागील वर्षीच्या तुलनेने यावर्षी धरण भरण्यास विलंब लागला असला तरी आता धरण भरण्यास सुरुवात झाली आहे.

भुशी धरण (Bhushi dam) हे लोणावळ्यातील पावसाळी पर्यटनाचे मुख्य आकर्षण आहे. लाखो पर्यटक दरवर्षी या ठिकाणी भेट देत असतात आणि वर्षाविहाराचा आनंद लुटतात. येणार्‍या शनिवार व रविवारी याठिकाणी मोठी गर्दी होण्याची शक्यता आहे. मागील दोन वर्ष कोरोनामुळे व्यावसाय बंद असल्याने स्थानिकांवर उपासमारीची वेळ आली होती. यंदा मात्र ही कसूर भरून निघणार आहे.

Lonavala Bhushi Dam
Maharashtra : चर्चाच चर्चा ! शरद पवारांच्या भेटीबाबत एकनाथ शिंदेंचं ट्विट

लोणावळा (Lonavala) पर्यटनस्थळ हे भारतात प्रसिद्ध आहे. पावसाळ्यात भुशी धरण हे पर्यटकांचे केंद्रबिंदू असते, भूशी डॅमला दरवर्षी लाखो पर्यटक भेट देतात. जून महिन्यात पाऊस झाला नाही. मात्र जुलै महिना सुरू होताच पावसाने जोरदार हजेरी लावली असून वर्षा विहारासाठी लोणावळ्यात पर्यटकांनी गर्दी केली आहे. आज सकाळी दहा च्या सुमारास भुशी धरण ओव्हर फ्लो झाल्याची माहिती स्थानिकांनी दिली.

Lonavala Bhushi Dam
माळशेज घाटात फिरायला जाताय सावधान! मग काळजी घ्या, सूचनांचे करा पालन

भुशी धरण (Bhushi dam) हे महाराष्ट्र राज्यातील जुन्या धरणापैकी एक आहे. हे धरण साधारण इसवी सन १८६० च्या सुमारास बांधले आहे. लोणावळा पुण्यापासून ७० किलोमीटर अंतरावर तर मुंबईपासून साधारण शंभर किलोमीटर अंतरावर आहे रोजच्या धकाधकीच्या जीवनातून थोडा विरंगुळा मिळविण्यासाठी पर्यटक या ठिकाणाला भेट देत असतात. पुण्यातून भुशी डॅमला जाणे सोपे पडते, पुण्यातून लोणावळा बस किंवा ट्रेन मिळतात.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com