मुंबई : ऑनलाइन जोडीदाराच्या शोध मोहिमेत सर्वाधिक फसवणूक झाल्याचेच प्रकार घडत आहेत. त्यात काही मुली व त्यांच्या कुटुंबीयांचे बँक खाते (Bank Account) रिकामे करून पळ काढणारे ठग देखील ऑनलाइन (Online) बाशिंग बांधून सज्ज असतात. नवी मुंबईत अशा अनेक प्रकरणांत गुन्हे दाखल असून, काही प्रकरणे ही संबंधित कुटुंबांनी बदनामी टाळण्याखातर दडपली आहेत.
मागील काही वर्षांत ऑनलाइनला जोडीदार (Partner) शोध मोहिमेला इतके महत्त्व आले आहे की वधू किंवा वर शोधण्यासाठी देखील वेगवेगळ्या ऑनलाईन (Online) साईटचा (Sites) आधार घेतला जात आहे. मात्र त्या साईटवर संबंधिताने दिलेली माहिती खरीच असते असे नाही. त्यामुळे प्रोफाईलवर (Profile) दिसणारा चेहरा व माहिती खरी समजून लग्राची तयारी चालवलेल्या अनेक मुलींची (Girls) ऐन वेळी फसवणूक झालेली आहे.
हे देखील पहा :
अशी होतेय फसवणूक :
विवाह इच्छुक मुलीने एखाद्या वेबसाईटवर विवाहासाठी (Marriage) नोंदणी केली असल्यास तिच्या अपेक्षांची माहिती मिळवली जाते. त्यानंतर त्याच पद्धतीने बनावट नावाने मुलाची प्रोफाइल बनवून संबंधित मुलीला संपर्क (Contact) साधला जातो. प्रथमदर्शनी घातल्या जाणाऱ्या भुरळला बळी पडून मुलगी मुलाच्या इच्छेप्रमाणे वागू लागते. त्यातूनच मुलीच्या कुटुंबीयांची आर्थिक व मुलीची फसवणूक केली जाते. ज्या तरुणाविरोधात गुन्हा दाखल आहे.
अशा बहुतांश प्रकरणांमध्ये संबंधित तरुणीची आर्थिक फसवणूक (Fraud) तर होतेच, मात्र काहींना लैंगिक (Sexual) शोषणाला देखील बळी पडावे लागले आहे. त्यामुळे घरबसल्या जावई शोधण्याचा मोह आवरता घ्यावा असा सल्ला तज्ज्ञांकडून दिला जात आहे. भोवल्यावर चढायला सज्ज असणाऱ्या युवक अथवा युवतीच्या प्रोफाईलची माहिती मिळवून काही ठग त्यांना बनावट प्रोफाईलद्वारे स्वतःकडे आकर्षित करत आहेत. त्यानंतर सदर मुलाला अथवा मुलीला लग्नाचे आमिष दाखवून भेटीगाठी वाढवणे किंवा पैशाची मागणी करणे असे प्रकार घडत आहेत. त्यातून प्रभाव पाडून गाठीभेटी वाढवून अनेकांची आर्थिक लूट केली जात आहे.
Edited By : Krushnarav Sathe
हेही वाचा :
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
