महाराष्ट्र एटीएसची मोठी कारवाई, हल्ल्याचा कट रचणाऱ्या आणखीन एकाला अटक

मुंबई - मुंबईत Mumabi हल्ला करण्याचा कट रचणाऱ्या एका आरोपीला मुंब्रामधून एटीएसने ATS अटक केली आहे. एका संशयित दहशतवाद्याला मुंब्रा येथून अटक केली आहे. रिझवान असे या अटक करण्यात आलेल्या आरोपीचे नाव आहे. रिझवान हा झाकीर हुसेन शेखच्या संपर्कात होता अशी माहिती समोर आली आहे. झाकीरच्या अटकेनंतर रिझवानने त्याचा मोबाइल नाल्यात फेकून पुरावे नष्ट करण्याचा प्रयत्न केला. मात्र, एटीएसने झाकीरला अटक केल्यानंतर त्याचा फोन ट्रेस केला. आता एटीएस ATS आपल्या फोनवरून डेटा पुनर्प्राप्त करण्याचा प्रयत्न करत आहे.

हे देखील पहा -

तसेच, हे लोक अँथनी नावाच्या व्यक्तीच्या संपर्कात असल्याची माहिती एटीएसला मिळाली आहे.झाकीरच्या मोबाईलमध्ये देखील अँथनी नावही सापडले आहे. एटीएसला संशय आहे की अँथनी दाऊद टोळीतील आहे आणि तो अँथनी हे नाव वापरून आपली ओळख लपवत आहे. तो शेजारच्या देशात म्हणजेच पाकिस्तानमध्ये राहतो. एटीएस उद्या झाकीरला न्यायालयात हजर करणार असून त्याची कोठडी उद्या संपत आहे.

Edited By - Shivani Tichkule