CM Eknath Shinde Khed Visit : मुख्यमंत्री एकनाथ शिंदे यांची खेडच्या गोळीबार मैदानात आज जाहीर सभा आहे. या सभेची जय्यत तयारी करण्यात आली आहे. सायंकाळी सहा वाजता ही सभा होणार आहे. माजी मंत्री रामदास कदम यांनी या सभेचं आयोजन केलं आहे. (Latest Marathi News)
सभा स्थळी हजारोच्या संख्येने खुर्च्या मांडण्यात आलेल्या आहेत. भव्य स्टेज या ठिकाणी पाहायला मिळत आहे. इथे बसलेल्या प्रत्येक व्यक्तीला मुख्यमंत्र्यांचा भाषण हे ऐकता यावं, पाहता यावं या अनुषंगाने एलईडी स्क्रीन देखील उभारण्यात आलेले आहेत. मैदानाच्या चारही बाजूने भगवे झेंडे लावण्यात आले आहेत.
दरम्यान, काही दिवसांपूर्वी याच मैदानात उद्धव ठाकरे (Uddhav Thackeray) यांची सभा झाली होती त्याच मैदानात आज मुख्यमंत्री एकनाथ शिंदे यांची सभा होणार आहे. त्यामुळे उद्धव ठाकरे यांनी खेडमध्ये केलेल्या टिकेला मुख्यमंत्री एकनाथ शिंदे (Eknath Shinde) काय उत्तर देणार याकडं आता सर्वांचं लक्ष लागलं आहे.
उद्धव ठाकरेंनी त्यांच्या सभेत एकनाथ शिंदेंसह त्यांच्याबरोबर गेलेल्या 40 अमदारांवर जोरदार टीका केली होती. त्यांच्या टिकेनंतर शिवसेना नेते आणि माजी मंत्री रामदास कदम यांनीही उद्धव ठाकरे यांच्यावर जोरदार टीका केली होती.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
