महाराष्ट्रात कोरोनाचा विस्फोट; गेल्या २४ तासांत राज्यातील रुग्णसंख्येत मोठी वाढ

मुंबई: राज्यात गेल्या २४ तासात २८१३ रुग्ण कोरोना (Corona) पॉझिटिव्ह आढळले आहेत, त्यामुळे राज्याची चिंता पुन्हा वाढली आहे. महाराष्ट्रातील रुग्णसंख्या ७९,०१,६२८ वर पोहोचली आहे. तर कोरोनाने मृत्यूची आकडेवारी १,४७,८६७ वर पोहोचली आहे. गेल्या २४ तासांत १,०४७ रुग्णांना डिस्चार्ज मिळाला आहे. राज्यात आता ११ हजार ५७१ एवढे रुग्ण उपचार घेत आहेत.

सध्या महाराष्ट्रात ११ हजार ५७१ रुग्ण उपचार घेत आहेत. कोविड १९ मुळे एका रुग्णाचा मृत्यू झाला आहे. कोरोना रुग्णांची सर्वात जास्त संख्या मुंबईतील आहे. आज मुंबईत १७०२ रुग्ण पॉझिटिव्ह आढळले आहेत. (Maharashtra Corona Latest News)

दरम्यान, केंद्रीय आरोग्य मंत्रालयाने महाराष्ट्र, केरळ, दिल्ली आणि कर्नाटक यांसारख्या राज्यांमधील परिस्थितीवर बारकाईने लक्ष ठेवले आहे.

मुंबई विभाग - मुंबई महापालिका, ठाणे, ठाणे महापालिका, नवी मुंबई, कल्याण डोंबिवली महापालिका, उल्हासनगर महापालिका, भिवंडी-निजामपूर महापालिका, मीरा-भाईंदर महापालिका, पालघर, वसई विरार महापालिका, रायगड, पनवेल महापालिका आदी क्षेत्रांत एकूण १७०२ नवे कोरोनाबाधित रुग्ण आढळले आहेत.