महाराष्ट्रात सलग चौथ्या दिवशी कोरोनाचे रुग्ण हजारांच्या पुढे; चौथ्या लाटेची सुरुवात तर नाही?

राज्यातील आरोग्य यंत्रणेला सतर्क राहण्याचे आदेश देण्यात आले आहेत.
महाराष्ट्रात सलग चौथ्या दिवशी कोरोनाचे रुग्ण हजारांच्या पुढे; चौथ्या लाटेची सुरुवात तर नाही?
Maharashtra Corona UpdateSaam Tv

मुंबई: राज्यात पुन्हा कोरोनाने (Corona) डोके वर काढले आहे. सलग चौथ्या दिवशी कोरोनाचे रुग्ण हजारांच्या पुढे आढळले आहेत. त्यामुळे राज्यातील आरोग्य यंत्रणेला पुन्हा सतर्क राहण्याच्या सूचना देण्यात आल्या आहेत. आज राज्यात १३५७ नव्या कोरोना रुग्णांची नोंद झाली आहे. तर ५९५ रुग्ण बरे झाले आहेत.

आज १ रुग्णाचा कोरोनाने मृत्यू झाला. राज्यात कोरोना मृत्यूदर १.८७ टक्के एवढा आहे. बरे होण्याचे प्रमाण ९८.०५ टक्के एवढे आहे. राज्यात आज ५८८८ रुग्ण अॅक्टीव्ह आहेत. काही महिन्यांपासून कोरोनाचे रुग्ण कमी झाले होते. पण आता पुन्हा कोरोनाचे रुग्ण वाढत आहेत. आज आरोग्यमंत्री राजेश टोपे यांनी मास्क लावण्याचे आवाहन केले आहे. (Maharashtra Latest Corona Update)

Maharashtra Corona Update
Maharashtra Corona: सलग तिसऱ्या दिवशी कोरोनाचा उद्रेक; आजची आकडेवारी काळजी वाढवणारी

राज्यात पुन्हा आरोग्य यंत्रणेला सतर्क राहण्याच्या सूचना देण्यात आल्या आहेत. गेल्या काही दिवसापासून कोरोनाचे रुग्ण वाढत आहेत. मुंबईत लक्षणीय वाढ झाली आहे. त्यामुळे मुंबई महापालिकेने रुग्णालये (Hospital), जम्बो कोविड सेंटर यांना सतर्क राहण्याचे आदेश देण्यात आले आहेत.

राज्यात आतापर्यंत ८,१०,३५,२७६ नमुण्यांची तपासणी करण्यात आली आहे. यापैकी ७८,९०,३४६ नमुने कोरोना (Corona) पॉझिटिव्ह आले आहेत. आज राज्यात १३५७ रुग्ण कोरोना पॉझिटिव्ह आले आहेत. आता राज्यात कोरोना बाधित रुग्णांची संख्या ७८,९१,७०३ एवढी झाली आहे.

Maharashtra Corona Update
पेट्रोल, डिझेलवर नितीन गडकरींचे मोठे विधान; भविष्यात करावा लागणार 'या' इंधनाचा वापर

राज्यातील रुग्णांची आकडेवारी

मुंबई विभागात- ठाणे, नवी मुंबई, उल्हासनगर, भिवंडी निजामपूर, मीरा भाईंदर, पालघर, वसई विरार, रायगड, पनवेल या शहरांचा समावेश आहे. या विभागात १२२७ नव्या रुग्णांची (Corona) नोंद झाली आहे.

नाशिक विभागात - यामध्ये नाशिक, नाशिक एमसी, मालेगाव एमसी, अहमदनगर, अहमदनगर एमसी, धुळे, धुळे एमसी, जळगाव, जळगाव एमसी, नंदुरबार यांचा समावेश आहे, या विभागात ४ नव्या रुग्णांची नोंद झाली आहे.

पुणे विभागात- यात पुणे, पीएमसी, पीसीएमसी, सोलापूर, सोलापूर एमसी, सातारा यांचा समावेश आहे. या विभागात १०४ नव्या रुग्णांची नोंद झाली आहे.

कोल्हापूर विभागात- कोल्हापूर, कोल्हापूर एमसी, सांगली, सांगली एमसी, सिंधुदुर्ग, रत्नागिरी या जिल्ह्यांचा समावेश होतो, या विभागात आज ७ नव्या रुग्णांची नोंद झाली आहे.(Corona Latest News)

Maharashtra Corona Update
Diva : विविध रेल्वे प्रश्नांवर भाजप पदाधिकाऱ्यांनी घेतली रावसाहेब दानवेंची भेट

औरंगाबाद विभागात- औरंगाबाद, औरंगाबाद एमसी, जालना, हिंगोली, परभणी, परभणी एमसी या जिल्ह्यांचा समावेश होतो, या विभागात ३ नव्या रुग्णांची नोंद झाली आहे.

लातूर विभागात- लातूर, लातूर एमसी, उस्मानाबाद, बीड, नांदेड, नांदेड एमसी, या जिल्ह्यांचा समावेश होतो, या विभागात नव्या ३ रुग्णाची नोंद झाली आहे.

अकोला विभागात- अकोला, अकोला एमसी, अमरावती, अमरावती एमसी, यवतमाळ, बुलडाणा, वाशिम या जिल्ह्यांचा समावेश आहे, या विभागात २ नव्या रुग्णांची नोंद झाली आहे.

नागपूर विभागात- नागपूर, नागपूर एमसी, वर्धा, भंडारा, गोंदीया, चंद्रपूर, चंद्रपूर एमसी, गडचिरोली या जिल्ह्यांचा समावेश होतो, या विभागात ७ नव्या रुग्णांची (Corona) नोंद झाली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com