मुंबई: राज्यात गेल्या काही दिवसांपासून कोरोनाचे (Corona) रुग्ण वाढत आहेत. आजच्या आकडेवारीने राज्याचे पुन्हा टेन्शन वाढवले आहे. आज दिवसभरात राज्यात ४०२४ नवे रुग्ण कोरोना पॉझिटिव्ह आढळले आहेत.
महाराष्ट्रात गेल्या २४ तासांत ४०२४ नवे रुग्ण सापडले आहेत. तर आज ३०२८ रुग्ण बरे झाले आहेत. आज राज्यात कोरोनामुळे (Corona) दोन रुग्णांचा मृत्यू झाल्याची नोंद झाली आहे.सध्या राज्यात १९,२६१ रुग्ण उपचार घेत आहेत.
मुंबई विभाग - मुंबई महापालिका क्षेत्र, ठाणे, ठाणे महापालिका, नवी मुंबई, कल्याण-डोंबिवली महापालिका, उल्हासनगर महापालिका, भिवंडी निजामपूर महापालिका, मिरा भाईंदर महापालिका, पालघर, वसई-विरार महापालिका, रायगड, पनवेल महापालिका या परिसरात ३५२८ नवीन कोरोनाबाधितांची नोंद
नाशिक विभाग - नाशिक, नाशिक महापालिका, मालेगाव महापालिका, अहमदनगर, अहमदनगर महापालिका, धुळे, धुळे महापालिका, जळगाव, जळगाव महापालिका, नंदुरबार आदी परिसरात कोरोनाचे ३० नवीन रुग्ण आढळले.
पुणे विभाग - पुणे महापालिका, पुणे, पिंपरी-चिंचवड महापालिका, सोलापूर, सोलापूर महापालिका, सातारा आदी क्षेत्रांत ३२९ नवीन कोरोनाचे रुग्ण सापडले आहेत.
कोल्हापूर विभाग - कोल्हापूर, कोल्हापूर महापालिका, सांगली, सांगली महापालिका, सिंधुदुर्ग, रत्नागिरी या क्षेत्रात २३ नवीन कोरोनाबाधितांची नोंद झाली.
औरंगाबाद विभाग - औरंगाबाद, औरंगाबाद महापालिका, जालना, हिंगोली, परभणी, परभणी महापालिका या भागांत ११ नवीन कोरोनाचे रुग्ण आढळले आहेत.
लातूर विभाग - लातूर, लातूर महापालिका, उस्मानाबाद, बीड, नांदेड, नांदेड महापालिका या भागात १३ नवीन कोविड १९ चा संसर्ग झालेले रुग्ण सापडले आहेत.
अकोला विभाग - अकोला, अकोला महापालिका, अमरावती, अमरावती महापालिका, यवतमाळ, बुलडाणा, वाशिम या परिसरात १४ नवीन कोरोनाबाधितांची नोंद झाली.
नागपूर विभाग - नागपूर, नागपूर महापालिका, वर्धा, भंडारा, गोंदिया, चंद्रपूर, चंद्रपूर महापालिका, गडचिरोली आदी भागात ७६ नवीन कोरोनाबाधित आढळले.
महाराष्ट्रात ओमिक्रॉनच्या सबव्हेरियंट BA.5 बाधित आणखी चार रुग्ण आढळले आहेत. पुण्यातील बीजे मेडिकल कॉलेजने प्रसिद्ध केलेल्या अहवालातून ही माहिती देण्यात आली आहे. रिपोर्टनुसार, या नवीन व्हेरियंटचा संसर्ग झालेल्या या सर्व महिला रुग्ण आहेत. त्यांचे वय साधारण १९ ते ३६ आहे. त्या सर्व महिला रुग्ण मुंबई, पुणे, नवी मुंबई आणि ठाण्यातील आहेत. २६ मे ते ९ जून २०२२ या दरम्यान या सर्व रुग्णांना कोरोनाची लागण झाली होती. त्यावेळी त्यांची प्रकृती स्थिर होती, अशीही माहिती देण्यात आली.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.