Shinde Government : छत्रपती संभाजी महाराज यांची जयंती शासकीय स्तरावर साजरी होणार; शिंदे सरकारचा मोठा निर्णय

Shinde Government News : राष्ट्रवादीचे वरिष्ठ नेते, विरोधी पक्षनेते यांनी छत्रपती संभाजी महाराज यांच्यावरील एका वक्तव्याने चांगलंच राजकारण तापलं होतं. अजित पवार यांच्या वक्तव्यानंतर सत्ताधाऱ्यांनी त्यांना चांगलंच धारेवर धरलं होतं. त्यानंतर आता सत्ताधारी शिंदे सराकरने छत्रपती संभाजी महाराज यांची शासकीय स्तरावर साजरी करण्याचा निर्णय घेतला आहे. शिंदे आणि फडणवीस सरकारने महत्त्वपूर्ण निर्णय घेतला आहे. (Latest Marathi News)

राज्यात आता छत्रपती संभाजी महाराज यांची जयंती शासकीय स्तरावर साजरी केली जाणार आहे. 14 मे रोजी सर्व शासकीय निमशासकीय कार्यालयात छत्रपती संभाजी महाराज यांची जयंती साजरी केली जाणार आहे.

छत्रपती संभाजी महाराज यांची जयंती शासकीय स्तरावर साजरी करण्याचा शिंदे आणि फडणवीस सरकारचा (Maharashtra Government) निर्णय महत्वाचा घेतला आहे. यापूर्वी थोर पुरुषांच्या जयंतीमध्ये छत्रपती संभाजी महाराज यांच्या जयंतीचा समावेश नव्हता. त्यामुळे शिंदे-फडणवीस सरकारने महत्वाचा निर्णय घेतला आहे.

शिंदे-फडणवीस सरकारच्या या निर्णयाचं सर्व स्तरातून स्वागत होत आहे. २०२३ या वर्षापासून सर्व शासकीय निमशासकीय कार्यालयात छत्रपती संभाजी महाराज यांची जयंती साजरी केली जाणार आहे. छत्रपती संभाजी महाराज हे स्वराज्यरक्षक की 'धर्मवीर'वरून यावर राज्याचं राजकारण चांगलंच तापलं होतं.

राज्यात 'धर्मवीर'वरून सत्ताधाऱ्यांनी विरोधकांवर जोरदार टीका केली होती. त्यानंतर अजित पवार (Ajit Pawar) यांनी 'धर्मवीर'वरून त्यांची भूमिका स्पष्ट केली. 'धर्मवीर'वरील वादानंतर शिंदे सरकारने छत्रपती संभाजी महाराज यांची जयंती शासकीय स्तरावर करण्याच्या निर्णयाचं नागरिकांकडून समाधान व्यक्त करण्यात येत आहे.