Eknath Shinde-Amol Mitkari | जे चालवलंय ते बरे नाही शिंदे साहेब, फडणवीसांच्या नादाला...; आमदाराचं टीकास्त्र

शिंदे-फडणवीस सरकारच्या मंत्रिमंडळाचा विस्तार अद्याप झालेला नाही. यावरून विरोधकांनी टीकेची झोड उठवली आहे.
Eknath Shinde Devendra Fadnavis Latest News
Eknath Shinde Devendra Fadnavis Latest NewsSAAM TV

Eknath Shinde Update News | मुंबई: मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या सरकारला आता महिना पूर्ण झाला आहे. अद्याप मंत्रिमंडळाचा विस्तार झालेला नाही. राज्याच्या मंत्रिमंडळ विस्ताराचा मुहूर्त सापडला असून, उद्या भाजप आणि शिंदे गटातील आमदार हे मंत्रिपदाची शपथ घेण्याची शक्यता आहे. त्याचवेळी मंत्रिमंडळ विस्तारावरून राष्ट्रवादी काँग्रेसच्या आमदारानं शिंदे-फडणवीस सरकारवर हल्लाबोल केला आहे. तसंच एकनाथ शिंदे यांना सल्ला देऊ केला आहे.

जे चालवलंय ते बरे नाही शिंदे साहेब, फडणवीसांच्या नादाला लागून आपण राज्य अधोगतीकडे नेत आहात, असं या आमदारानं ट्विट केले आहे.

Eknath Shinde Devendra Fadnavis Latest News
Maharashtra Political Crisis : शिवसेना कुणाची? सुनावणी संपली, कोर्टात नेमकं काय घडलं?

शिवसेनेत बंड करून एकनाथ शिंदे (Eknath Shinde) आणि त्यांचे समर्थक आमदार यांनी भाजपसोबत (BJP) राज्यात सरकार स्थापन केलं. एकनाथ शिंदे यांनी मुख्यमंत्रिपदाची शपथ घेतली. तर देवेंद्र फडणवीस (Devendra Fadnavis) यांनी उपमुख्यमंत्रिपदाची शपथ घेतली आहे.

एकनाथ शिंदे यांचे सरकार (Maharashtra Government) राज्यात येऊन आता महिना पूर्ण झाला आहे. मात्र, अद्याप मंत्रिमंडळ विस्तार झालेला नाही. राज्य सरकार स्थापन झाल्यापासून मंत्रिमंडळ बैठकाही झाल्या. त्यात अनेक निर्णय घेण्यात आले. मात्र, यावरून आता विरोधी पक्ष राष्ट्रवादी काँग्रेसच्या नेत्यांकडून टीका होत आहे. राष्ट्रवादी काँग्रेसचे आमदार अमोल मिटकरी यांनी शिंदे आणि फडणवीस यांच्यावर हल्लाबोल केला आहे.

Eknath Shinde Devendra Fadnavis Latest News
Eknath Shinde : 'सुप्रीम' सुनावणीआधीच शिंदे गटाची नवी खेळी; ठाकरेंना धक्का बसणार?

शिंदे सरकारला ३५ दिवस पूर्ण झाले आहेत. राज्याच्या राजकीय इतिहासात पहिल्यांदा कॅबिनेटविना एकहाती सरकार. या खेळात मात्र सामान्य जनता होरपळत चालली आहे. जे चालवलं आहे, ते बरं नाही शिंदे साहेब. फडणवीसांच्या नादाला लागून आपण राज्य अधोगतीकडे नेत आहात, असं अमोल मिटकरी यांनी ट्विटमध्ये म्हटलं आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com