Mumbai News : राष्ट्रवादीचे आमदार जितेंद्र आव्हाड यांच्या कुटुंबियाना धमकवणारे ठाणे महानगर पालिकेतील अधिकारी महेश आहेर यांच्यावर मोठी कारवाई करण्यात आली आहे. त्यांच्यावरील आरोपांची चौकशी सुरू असेपर्यंतत त्यांचा कार्यभार काढून घेतला जाईल, असं उदय सामंत यांनी विधिमंडळात घोषणा केली.
आमदार जितेंद्र आव्हाड यांच्या कुटुंबियांना धमकी देण्याची महेश आहेर यांची कथित ऑडिओ क्लिप व्हायरल झाली होती. याबाबत जितेंद्र आव्हाड यांनी देखील महेश आहेरवर विधानसभेत गंभीर आरोप केले होते. महेश आहेर यांच्यावर भ्रष्टाचाराचेही आरोप करण्यात आले होते. (Political News)
संबधित अधिकाऱ्याच्या ज्या ऑडिओ क्लिप समोर आल्या आहेत आणि जे आरोप झाले आहेत त्याबाबत उपमुख्यमंत्र्यांनी चौकशीचे आदेश दिलेले आहे. या प्रकरणाची चौकशी 30 दिवसात पूर्ण करुन योग्य ती कारवाई केली जाईल, असंही उदय सामंत म्हणाले
अनिल परब यांनी देखील महेश आहेरवर गंभीर आरोप केले. महेश आहेर हा माणूस दोन वेळा निलंबित आहे. तरी याला चांगल्या ठिकाणी नियुक्ती मिळते. या माणसाला आमच्या पेक्षा जास्त बॉडीगार्ड आहेत. या अधिकाऱ्याची इतकी वर्ष ठाण्यात एकाच जागी नियुक्ती कशी? अशी विचारणा अनिल परब यांनी केली.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
