अजय दुधाणे, बदलापूर
Badlapur Major Accident News : बदलापूरमध्ये भीषण अपघात झाला. एका भरधाव कारने दुचाकीला उडवले. मुलीला दहावीच्या परीक्षेला सोडण्यासाठी आई-वडील दुचाकीवरून चालले होते. त्याचवेळी ही भयंकर घटना घडली.
बदलापूर येथे हा अपघात झाला. हा अपघात इतका भयंकर होता की, कारच्या धडकेमुळे दुचाकीचे अक्षरशः दोन तुकडेच झाले.
मिळालेल्या माहितीनुसार, बदलापूरमधील रेल्वे स्थानकानजीकच्या नगरपालिकेच्या कार्यालयाजवळील उड्डाणपुलावर भीषण अपघात झाला. एका भरधाव कारने दुचाकीला उडवले. या अपघातात दुचाकीवरील दाम्पत्य आणि मुलगी गंभीर जखमी झाले आहेत. (Latest Marathi News)
हे दाम्पत्य आपल्या मुलीला दहावीच्या परीक्षेला सोडण्यासाठी दुचाकीवरून निघाले होते. त्याचवेळी हा अपघात घडला. कारने त्यांच्या दुचाकीला जोरदार धडक दिली. या अपघातात ते तिघेही गंभीर जखमी झाले आहेत. तर दुचाकीचे अक्षरशः दोन तुकडे झाले आहेत.
अपघातानंतर कार फुटपाथवर चढली
हा अपघात इतका भीषण होता की, कार थेट पुलावरील फुटपाथच्या भागावर चढली. तर या कारच्या खाली दुचाकीचा काही भाग अडकला होता. तर कारच्या मागच्या बाजूला दुचाकीचा टायर वेगळा होऊन पडला होता.
या अपघातानंतर घटनास्थळी प्रचंड गर्दी जमली होती. अपघातानंतर काही वेळातच वाहतूक पोलीस घटनास्थळी पोहोचले. वाहतुकीला कोणताही अडथळा निर्माण होऊ नये यासाठी कार बाजूला घेण्यात आली. या अपघातात कारचेही नुकसान झाले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
