पुण्यात १२ लाखांचे ड्रग्ज जप्त; दहशतवादविरोधी पथकाची कारवाई

मुंबईहून पुण्यातील पुणे स्टेशन परिसरात ही कारवाई करण्यात आली
पुण्यात १२ लाखांचे ड्रग्ज जप्त; दहशतवादविरोधी पथकाची कारवाई
Pune CrimeSaam Tv

पुणे : मुंबईहून पुण्यातील पुणे स्टेशन (Railway Station) परिसरात ही कारवाई करण्यात आली आहे. एका तस्करावर दहशतवाद विरोधी पथकाने ही कारवाई केली असून त्याच्याकडून १२ लाख रुपयांचे ११८ ग्रॅम एमडी (मेफेड्रोन) अंमली पदार्थ जप्त करण्यात आले आहे.

महंमद फारुख महंमद उमर टाक (वय- ४३) रा. म्हाडा कॉलनी, अंधेरी वेस्ट, मुंबई असे अटक (Arrest) करण्यात आलेल्या ड्रग्ज तस्कराचे नाव आहे. याच्याकडून १२ लाख ८० हजार रुपयांचे ११८ ग्रॅम एम डी हा अंमली पदार्थ आढळून आला आहे. तसेच मोबाईल, डिजिटल वजन काटा, २ हजार ५९० रुपये रोख, आधारकार्ड, डेबीट कार्ड असे साहित्य जप्त करण्यात आले आहे. त्याच्या दोन साथीदारांचा शोध सुरु आहे. (Pune Crime)

हे देखील पाहा-

याविषयी दहशतवाद विरोधी पथकाने दिलेल्या माहितीनुसार, पुणे रेल्वे स्टेशनच्या परिसरातील मालधक्का चौकाकडून पुणे स्टेशनकडे जाणार्‍या रोडवरील फुटपाथवर एक जण अंमली पदार्थ विक्रीसाठी येणार असल्याची माहिती मिळाली होती. यानुसार दहशतवाद विरोधी पथकाच्या पुणे युनिटने तेथे सापळा रचला होता.

Pune Crime
जम्मू-काश्मीरमध्ये ईदच्या नमाजानंतर दगडफेक, तणाव

पोलिसांना (Police) मिळालेल्या माहितीनुसार, पाठीला सॅक लावलेला एक तरुण फुटपाथवर संशयास्पद रेंगाळताना दिसून आला. तेव्हा साध्या वेशात पोलिसांनी महंमद टाक याला पकडले आहे. त्याची झडती घेतली असता त्यांच्याकडे ११८ ग्रॅम एम डी सापडले आहे. याप्रकरणी पोलीस हवालदार अशोक फारुख पेरणेकर यांनी दहशतवाद विरोधी पथकाच्या मुंबई पोलीस ठाण्यात (Mumbai) फिर्याद दिली आहे. पोलीस निरीक्षक विश्वास भास्कर या प्रकरणाचा अधिक तपास करत आहेत.

Edited By- Digambar Jadhav

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.