MHADA Konkan Lottery 2023: घराचं स्वप्न होणार पूर्ण! म्हाडायच्या ४,०८३ घरांसाठी उद्यापासून नोंदणी सुरू; जाणून घ्या संपूर्ण माहिती

>> संजय गडदे

MHADA Konkan Lottery 2023: मुंबईकरांसाठी एक आनंदाची बातमी आहे. लवकरच मुंबईत घर घेऊ इच्छिणाऱ्यांचे स्वप्न पूर होणार आहे. म्हाडाच्या मुंबई मंडळातर्फे विविध उत्पन्न गटांसाठी ४०८३ घरांसाठीच्या विक्रीसाठी सोडत जाहीर करण्यात येणार आहे. यासाठी २२ मे पासून अर्ज नोंदणी, ऑनलाईन अर्ज भरणा-स्वीकृतीला दुपारी तीन वाजेपासून प्रारंभ होणार आहे.

अर्जांची संगणकीय सोडत १८ जुलै रोजी सकाळी ११ वाजता काढण्यात येणार असल्याची माहिती मुंबई मंडळाचे मुख्य अधिकारी मिलिंद बोरीकर यांनी प्रसिद्धी पत्रकाद्वारे दिली.

विक्रीसाठी उपलब्ध असलेल्या सर्व सदनिकांबाबत माहिती म्हाडाचे अधिकृत संकेत स्थळ  https://housing.mhada.gov.in तसेच https://www.mhada.gov.in  यांवर प्रसिद्ध करण्यात आली. इच्छुक अर्जदारांनी सहभाग घेण्याकरिता याच संकेत स्थळांचा वापर करावा, असे आवाहन मिलिंद बोरीकर यांनी केले आहे. (Latest Marathi News)

एकूण सदनिका ४०८३

अत्यल्प – २७९०

अल्प – १०३४

मध्यम – १३९

उच्च – १२०

सोडतीमधील अत्यल्प उत्पन्न गटात पहाडी गोरेगाव पश्चिम येथील प्रधानमंत्री आवास योजनेतील १९४७, अ‍ॅन्टॉपहिलमधील ४१७ तर, विक्रोळीच्या  कन्नमवार नगरमधील ४२४ अशी एकूण २७८८ सदनिका समाविष्ट आहेत. 

मध्यम उत्पन्न गटासाठी मंडळाने १४० सदनिका उपलब्ध करून दिल्या असून या सदनिका उन्नतनगर गोरेगाव पश्चिम, महावीर नगर कांदिवली, जुहू, अंधेरी पश्चिम, अंधेरी पूर्व, सहकार नगर चेंबुर, लोकमान्य नगर दादर, अँटॉप हिल वडाळा, भायखळा, टिळकनगर चेंबुर, चांदिवली पवई, गायकवाड नगर मालाड, प्रतीक्षा नगर सायन, चारकोप कांदिवली येथे आहेत. उच्च उत्पन्न गटासाठी १२० सदनिकांचा समावेश असून या सदनिका जुहू अंधेरी पश्चिम, वडाळा पश्चिम, ताडदेव, लोअर परळ, शिंपोली कांदिवली, तुंगा पवई, चारकोप कांदिवली, सायन पूर्व येथे आहेत.