आमदार माधुरी मिसाळ यांना कोरोनाची लागण; संपर्कात आलेल्या लोकांना टेस्ट करून घेण्याचे आवाहन

पुणे: गेल्या काही दिवसांपासून कोरोनाचे रुग्ण परत एकदा वाढताना दिसत आहे. राज्य विधिमंडळाच्या अधिवेशनात अनेक नेत्यांना कोरोनाची (Corona) लागण झाली होती. आता पुण्यातील देखील पर्वती मतदारसंघाच्या आमदार माधुरी मिसाळ (madhuri misal) यांची कोरोनाची टेस्ट पॉजिटीव्ह (Positive) आली आहे. आमदार मिसाळ यांनी विधानसभा अधिवेशनालाही (Assembly session) हजेरी लावली होती.

हे देखील पहा-

कोरोनाची बाधा झाल्यानंतर आमदार मिसाळ यांनी माध्यमांतून प्रतिक्रिया देताना सांगितले आहे की, सोमवारी करण्यात आलेली माझी कोविड (Covid) टेस्ट पॉजिटीव्ह आली आहे. सध्या मी होम आयसोलेशनमध्ये आहे. माझी प्रकृती चांगली आहे. तरी देखील खबरदारीचा उपाय म्हणून मागील काही दिवसात माझ्या संपर्कात आलेल्या सर्वांनी आपली कोविड टेस्ट करून घ्यावी. काळजी घ्या, सुरक्षित रहा.

राज्यामध्ये (state) गेल्या काही दिवसांपासून कोरोनाचे रुग्ण परत एकदा वाढत आहेत. पुण्यात देखील कोरोनाबाधित रुग्णांसह ओमायक्रॉनचे रुग्ण वाढत आहेत. प्रशासनाकडून (administration) नागरिकांना काळजी घेण्याचे आवाहन केले जात आहे. गर्दीच्या ठिकाणी जाणे टाळावे तसेच मास्कचा वापर करण्याचे देखील आवाहन केले जात आहे.

Edited By- Digambar Jadhav